ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީގެ މުގައްރިރަކަށް މުހައްމަދު އިސްމާއިލް

މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީގެ މުޤައްރިރަކަށް ވިލިމާލެ ދާއިރާގެ މެމްބަރު މުޙައްމަދު އިސްމާއީލް އިންތިޚާބުވެއްޖެއެވެ.

އެ ކޮމެޓީގައި މުޤައްރިރަކަށް މުހައްމަދު އިސްމާއީލްގެ ނަން ހުށަހެޅުއްވީ ހެންވޭރު ހުޅަނގު ދާއިރާގެ މެމްބަރު އަލީ އިބްރާހިމް އެވެ. އަދި އެ ހުށަހެޅުއްވުމަށް ތާއީދު ކުރައްވާފައި ވަނީ ހުޅުމާލެ ދެކުނު ދާއިރާގެ މެމްބަރު އަހުމަދު ޝަމްހީދު އެވެ.

ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީގެ ނައިބު މުޤައްރިރަކަށް ހަމަޖައްސާފައިވަނީ ފެލިދޫ ދާއިރާގެ މެމްބަރު އާދަމް ޒާހިރު އެވެ. އާދަމް ޒާހިރުގެ ނަންވެސް ހުށަހެޅުއްވީ ހެންވޭރު ހުޅަނގު ދާއިރާގެ މެމްބަރު އަލީ އިބްރާހިމް އެވެ.

މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީގައި ހިމެނިވަޑައިގަންނަވީ ޖުމުލަ 11 މެމްބަރުންނެވެ. އެ ކޮމިޓީގައި ތިއްބަވާ މެމްބަރުންނަކީ:

1) ވިލިމާލޭ ދާއިރާގެ މެންބަރު، މުޙައްމަދު އިސްމާޢީލް (މުޤައްރިރު)

2) ފެލިދޫ ދާއިރާގެ މެންބަރު، އާދަމް ޒާހިރު (މުޤައްރިރުގެ ނައިބު)

3) ހުޅުމާލެ ދެކުނު ދާއިރާގެ މެންބަރު ޢަޙްމަދު ޝަމްހީދު

4) ހެންވޭރު ހުޅަނގު ދާއިރާގެ މެންބަރު ޢަލީ އިބްރާހީމް

5) ގަލޮޅު ދެކުނު ދާއިރާގެ މެންބަރު މީކާއީލް އަޙްމަދު ނަސީރު

6) މައްޗަންގޮޅި ދެކުނު ދާއިރާގެ މެންބަރު މުޞްޠަފާ ޙުސައިން

7) އިހަވަންދޫ ދާއިރާގެ މެންބަރު އަޙްމަދު ނަޞީރު

8) ދިއްދޫ ދާއިރާގެ މެންބަރު ޢަބްދުލަޠީފް މުޙައްމަދު

9) މީދޫ ދާއިރާގެ މެންބަރު އަޙްމަދު ސިޔާމް މުޙައްމަދު

10) ފުވައްމުލަކު ދާއިރާގެ މެންބަރު ޢަލީ ފަޒާދު

11) ދާންދޫ ދާއިރާގެ މެންބަރު މުޙައްމަދު ފަޞީލް