ހުރިހާ ހަރަދަކާ އެކު ޖަޕާނުގައި ތިން ދާއިރާއަކުން ކިޔެވުމަށް ސްކޮލަޝިޕްތަކެއް!
ހުރިހާ ހަރަދަކާ އެކު ޖަޕާނުގައި ތިން ދާއިރާއަކުން ކިޔެވުމަށް ރާއްޖެ އަށް ސްކޮލަޝިޕް ތަކެއް ދިނުމަށް އެގައުމުގެ ސަރުކާރުން ނިންމައިފިއެވެ.
މިނިސްޓްރީ އޮފް ހަޔަރ އެޑިއުކޭޝަން، ލޭބަރ އެންޑް ޑިވެލޮޕްމެންޓް އިން ކުރި އިއުލާނެއްގައި ބުނީ، "ޖަޕަނީޒް ގަވަމެންޓް ސްކޮލަޝިޕް 2025" ގެ ދަށުން ތިން ދާއިރާއަކުން ރާއްޖޭގެ ދަރިވަރުންނަށް ޖަޕާނުގެ ޔުނިވާސިޓީތަކުގައި ކިޔެވުމަށް ސްކޮލަޝިޕްގެ ފުރުސަތު ލިބިފައިވާކަން ރާއްޖޭގައި ހުންނަ ޖަޕާން އެމްބަސީން އަންގާފައިވާ ކަމަށެވެ.
މި ސްކޮލާޝިޕް ގެ ދަށުން ހުރިހާ ހަރަދެއް ދިނުމަށް ހަމަޖެހިފައިވަނީ ސްކޮލަޝިޕް އިންތިޒާމް ކުރާ ފަރާތުންކަމަށް ހަޔަރ އެޑިއުކޭޝަން މިނިސްޓްރީން ވަނީ ބުނެފައެވެ.
ޖަޕާނުގައި ކިޔެވުމަށް ސްކޮލަޝިޕަށް ހުޅުވާލި ދާއިރާތަކާއި ހުށައެޅޭނެ ސުންގަޑި:
1) ރިސާޗް ސްޓޫޑެންޓްސް – 27 މޭ 2024
2) ސްޕެޝަލައިޒް ޓްރެއިނިންގް ކޮލެޖް ސްޓޫޑެންޓްސް - 3 ޖޫން 2024
3) ކޮލެޖް އޮފް ޓެކްނޮލަޖީ ސްޓޫޑެންޓްސް - 3 ޖޫން 2024
މިނިސްޓްރީން ބުނީ ސްކޮލަޝިޕަށް ކެންޑިޑޭޓުން ހޮވުމުގެ ގޮތުން އެޕްލިކޭޝަން ރިވިއުކޮށް ޓެސްޓް އަދި އިންޓަވިއު މަރުހަލާއަށް ކެންޑިޑޭޓުން ޝޯޓްލިސްޓު ކުރުމުގެ މަސައްކަތް ކުރާނީ ރާއްޖޭގައި ހުންނަ ޖަޕާނު އެމްބަސީން ކަމަށާއި ޓެސްޓާއި އިންޓަވިއު ވެސް ކުރިއަށްދާނީ އެ އެމްބަސީގައި ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
