ތުހުމަތުތައް އަމާޒުވުމުން، ސުޖާއު މާލިއްޔަތު ކޮމިޓީން ތަރިކައިގެ ކޮމިޓީއަށް ބަދަލުކޮށްފި
ލިޔުންތެރިޔާ
އަބްދުﷲ ހުސައިން
މާލިއްޔަތު ކޮމިޓީގެ މެމްބަރެއްގެ ގޮތުގައި ހުންނެވި ބާރަށު ދާއިރާގެ މެމްބަރު އިބްރާހިމް ސުޖާއު މާލިއްޔަތު ކޮމިޓީން މިއަދު ވަކިކޮށްފިއެވެ.
މާލިއްޔަތު ކޮމިޓީން ވަކިކުރުމަށްފަހު ސުޖާއު މިހާރު ބަދަލުކޮށްފައިވަނީ، ގައުމީ ތަރައްގީ އާއި ތަރިކައިގެ ކޮމިޓީއަށެވެ. މާލިއްޔަތު ކޮމިޓީއަށް ސުޖާއުގެ ބަދަލުގައި އައްޔަނުކޮށްފައިވަނީ ތ.ގުރައިދޫ ދައިރާގެ މެމްބަރު ހަނާން މުހައްމަދު ރަޝީދެވެ.
މާލިއްޔަތު ކޮމިޓީން ސުޖާއު ވަކިކޮށްފައިމިވަނީ، އޭނާގެ މަސްލަހަތު އޮންނަ ކުންފުންޏަކުން އުސޫލާ ހިލާފަށް މުއާމަލާތްތަކެއް ހިންގާފައިވާ ކަމުގެ ވާހަކަތަކެއް ވަނީ މީސް މީޑިއާގައި ފެތުރިފައެވެ. ނަމަވެސް ސުޖާއުވަނީ އުސޫލާ ހިލާފަށް މުއާމަލާތްތަކެއް އޭނާގެ މަސްލަހަތު އޮންނަ ކުންފުންޏަކުން ކޮށްފައިނުވާނެކަމަށް ވިދާޅުވެފައެވެ.
މައުލޫމާތު ލިބިފައިވާ ގޮތުގައި ސުޖާއު މާލިއްޔަތު ކޮމިޓީން އެހެން ކޮމިޓީއަކަށް ބަދަލުކޮށްފައިމިވަނީ މިއަދު އޭނާ މަރުކަޒީ ބޭންކަށް ހާޒިރުވާން އަންގާފައިވަނިކޮށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
