ޑިންގީއެއްގައި ލޯންޗަކުން ޖެހި 5 މީހަކަށް އަނިޔާ ވެއްޖެ، އެކަކުގެ ހާލު ސީރިއަސް

ޑިންގީއެއްގައި ލޯންޗަކުން ޖެހި 5 މީހަކަށް އަނިޔާވެއްޖެއެވެ.

ފުލުހުން ބުނީ، ލ. ގާއެރި ފަޅު ކައިރީގައި ފީނަން ނުކުމެ އުޅުނު ބައެއް ތިބި ޑިންގީގައި ލޯންޗަކުން ޖެހި އެކްސިޑެންޓް ވެފައިވާ ކަމަށް ރޭ ދަންވަރު 12:33 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

މި ހާދިސާގައި ޑިންގީއެއްގައި ލޯންޗަކުން ޖެހުމުގެ ސަބަބުން 5 ދިވެހި ފިރިހެނުންނަށް އެކިވަރުގެ އަނިޔާވެފައިވާ ކަމަށް ފުލުހުން މަޢުލޫމާތު ދީފައިވެއެވެ.

ފުލުހުން ބުނާ ގޮތުގައި، މި ހާދިސާގައި އަނިޔާވި 5 މީހުންގެ ތެރެއިން އެކަކުގެ ހާލަތު ސީރިއަސްއެވެ. އަދި އަނިޔާވި މީހުންނަށް ޅ. އަތޮޅު ހޮސްޕިޓަލުގައި ފަރުވާ ދެމުންދާ ކަމަށެވެ.

މި ހާދިސާގައި ހިމެނޭ ޑިންގީ ވަނީ ބޭނުން ނުކުރެވޭ ވަރަށް ހަލާކުވެފައެވެ.

ފުލުހުން މިހާރު ދަނީ މި މައްސަލަ ތަޙުޤީޤު ކުރަމުންނެވެ.