ވިޔަފާރިވެރިން އެހެން ވިޔަފާރިވެރިންއަށް އަގުތަށް މަތިކުރުމަށް ޕްރެސާކުރަނީ!
ބާޒާރުމަތީގައި ވިޔަފާރިވެރިން އެހެން ވިޔަފާރިކުރާމީހުނަށް އަގުތަށް އުފުލުމަށް ޕްރެސާރަ ކުރާކަމަކީ މަދުންނަމަވެސް ފެންނަމަންޒަރެކެވެ.
މި ރޯދަމަސް ފެށިފައިވަނީ ބާޒާރުގެ ތަކެތީގެ އަގުތައް އިންތިހާ ދަރަޖައަށް އުފުލި އެކަމުގެ ޝަކުވާ ޢާންމުން މެދުގައި ބަހުސްކުރެވެމުންދާ ދަނޑިވަޅެއްގައެވެ.
ބާޒާރުމަތީގައި ރާއްޖޭގެ ދަނޑުވެރިކަމުގެ އުފެއްދުންތައް އެއް އަގެއްގައި ހުރިހާ ފަރާތަކުން ހިފަހައްޓާފައިވާ އިރު މީގައި ފޮރުވިފައިވާ ބޮޑެތި މައްސަލަތަކެއް އެ ސަރަހައްދުގައި ތަރުކާރީ ވިޔަފާރި ކުރާ ފަރާތްތަކުން ވަނީ "ވޮއިސް" އާއި ހިއްސާކުރައްވާފައެވެ.
އެގޮތުން މި ރޯދަމަހު ބައެއްވިޔަފާރިވެރިން އަގުހެޔޮކޮށް ތަކެތި ވިއްކަމުން އަންނަތަންތަނަށް ގޮސް އަގުމަތިކުރުމަށް އެފިހާރަތަކުގެ ވެރިންނަށް މަޖުބޫރުކޮށް އިންޒާރު ދެމުން ގެންދާކަމަށް "ވޮއިސް" އާވަނީ ވިޔަފާރިވެރިން ހިއްސާކޮށްފައެވެ.
ބަނދަރުމަތީގައި ހިންގާ ބައެއް ފިހާރަތަކަށް އެ ސަރަހައްދުގައި ވިޔަފާރި ކުރަމުން އަންނަ އެހެން ވިޔަފާރި ކުރާ ފަރާތްތަކުން ވަނީ މީހުން ފޮނުވާ އަގު ތިރިކުރުމަށް ބުނެ ޒުވާބު ކޮށްފައިކަން އެއް ވިޔަފާރި ވެރިއަކު ބުނެފައިވާ އިރު އޭނާގެ ފިހާރަށް ބަޔަކު ވަދެ ވަނީ އެތަނުގެ މުވަޒަފުންނަށް އިންޒާރު ދީ ހަޑި ހުތުރު ބަހުން ވާހަކަ ދައްކާފައިކަން ފާހަކުރިއެވެ.
"އެމީހުން ބޭނުންވަނީ އެމީހުންނެކޭ އެއްއަގުތަކެއްގައި ކަރާ، ދޮންކެޔޮ އަދި ފުރުޓްސް ކަހަލަ މިދުވަސްވަރަށް ބޭނުންވާ ތަކެތިވިއްކަން. އަޅުގަނޑުމެން މި ވިއްކަނީ ބާޒާރުގެ ރޭޓަށް ވުރެން ހެޔޮކޮށް ވީމައި އެމީހުން މައްސަލަ ޖައްސަނީ" ވިޔަފާރިވެރިއަކު ކިޔާދިނެވެ.
ކާބޯތަކެތީގެ އަގު އިންތިހާއަށް ބޮޑުވުން ކޮންޓްރޯލް ކުރެއްވުމަށް ސަރުކާރުގެ ވިޔަފާރި ކުންފުނި އެސްޓީއޯއިން ވަނީ ބައެއް ބާވަތްތަށް ރާއްޖެއަށް އެތެރެކޮށް ހެޔޮ އަގުގައި އާއްމުންނަށް ރޯދަމަސް ނިމެންދެން ހެޔޮ އަގުގައި ވިއްކަން ނިންމަވާފައެވެ.
މީގެ އިތުރުން ރައީސް އިބްރާހިމް މުހައްމަދު ޞާލިހް ވެސް ވަނީ ރޯދަ މަހު ތަކެތީގެ އަގު ބޮޑު ނުކުރުމަށް ވިޔަފާރިވެރިންގެ ކިބައިން އެދިވަޑައިގަންނަވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
