އަދަދު މަދުވުމުން ވޯޓްފޮށި ނުބެހެއްޓޭ ތަންތަނުގައި ރަޖިސްޓަރީ ވެފައިވާ މީހުނަށް ރީ-ރަޖިސްޓަރީ ވާން ހުޅުވާލައިފި

މަޖިލިސް އިންތިހާބަށް ރީ ރަޖިސްޓްރީ ވުމަށް ހުޅުވާލި ފުރުސަތުގައި، ބައެއް ވޯޓް ފޮށިތަކަށް ކަނޑައެޅިފައިވާ އަދަދަށް މީހުން ރަޖިސްޓްރީވެފައި ނުވާތީ، އެ ވޯޓް ފޮށިތަކަށް ރަޖިސްޓްރީ ވެފައިވާ ފަރާތްތަކަށް ރީ-ރަޖިސްޓްރީ ވުމުގެ ފުރުސަތު އިލެކްޝަން ކޮމިޝަން (އީސީ) އިން ބުނެފިއެވެ.

އީސީ އިން ގެޒެޓް ކުރި އިއުލާން ގައިވާ ގޮތުން ވޯޓް ފޮށި ބެހެއްޓޭ ވަރަށް މީހުން ރަޖިސްޓަރ ވެފައި ނުވަނީ 17 ރިސޯޓަކުންނާއި 4 ބޭރު ގައުމެއްގެ އިތުރުން ހުޅުލެ ގައެވެ.

މިގޮތުން އީސީން ވޯޓް ފޮށި ނުބެހެއްޓޭ ތަންތަނަކީ:

1. ސޮނެވާ ޖަނީ

2. އިންޓަ ކޮންޓިނެންޓަލް މޯލްޑިވްސް މާމުނަގައު

3. ޖޯލި ބީންގް

4. ރީތި ބީޗް ރިސޯޓް

5. ފިނޮޅު ބާ އެޓޯލް މޯލްޑިވްސް

6. ކުރެއްދޫ އައިލެންޑް ރިސޯޓު

7. އެޓްމޮސްފިއަ ކަނިފުށި މޯލްޑިވްސް

8. ސަން ސިޔާމް އޮޅުވެލި މޯލްޑިވްސް

9. ހޮލިޑޭ އިން ރިސޯޓް ކަނޑޫމާ މޯލްޑިވްސް

10. ސިނަމަން ދޮންވެލި މޯލްޑިވްސް

11. އޮބްލޫ ބައި އެޓްމޮސްފިއަ އެޓް ހެލެގެނލި

12. ވިލާ ނައުޓިކާ ޕެރެޑައިސް އައިލެންޑް

13. ކޮންސްޓެންސް މޫފުށި

14. ނިޔަމަ މޯލްޑިވްސް

15. ލަކްސް ސައުތް އަރި އަތޮޅު މޯލްޑިވްސް

16. މިލައިދޫ އައިލެންޑް މޯލްޑިވްސް

17. ޑަބްލިޔު މޯލްޑިވްސް

18. ހުޅުލެ

19. އިންޑިއާ- ޓްރިވެންޑްރަމް

20. ތައިލެންޑް- ބެންކޮކް

21. އިނގިރޭސިވިލާތް- ލަންޑަން

22. އެކުވެރި އަރަބި އިމާރާތް- އަބޫ ދާބީ

އެހެންކަމުން އީސީން ވަނީ މި ތަންތަނުގައި ރަޖިސްޓްރީ ވެފައިވާ ފަރާތްތަކަށް މަޖިލިސް އިންތިހާބަށް އަލުން ރަޖިސްޓަރީ ކުރުމުގެ ފުރުޞަތު 2024 ފެބުރުވަރީ 14 ވާ ބުދަ ދުވަހުގެ ހެނދުނު 08:30 އިން ފެށިގެން 2024 ފެބުރުވަރީ 15 ވާ ބުރާސްފަތި ދުވަހުގެ ހަވީރު 04:00 ގެ ނިޔަލަށް ހުޅުވާލާފައެވެ.

އީސީން މި ފުރުސަތު ހުޅުވާލާފައިވާއިރު، މިއަދަކީ ރައްޔިތުންގެ މަޖިލީހަށް ކުރިމަތިލުމަށް ފޯމް ހުށައެޅުމުގެ އެންމެ ފަހު ދުވަސްކަން ފާހަގަކޮށްލަން ޖެހެއެވެ. ފޯމު ބަލައިގަތުމަށް ހަމަޖެހިފައިވަނީ މިއަދު ގެ ހެދުނު 9 އިން ފެށިގެން މެންދުރުފަހު 2  އަށް ދަރުބާރުގޭގެ ރަންނަބަނޑޭރި މާލަމުގައެވެ. މަޖިލިސް އިންތިހާބު ބާއްވާ ތާރީހަށް ބަދަލު އަޔަސް، މަޖިލިހަށް ކުރިމަތިލުމަށް  ހުށައަޅަން އިތުރަށް ހުޅުވާނުލާނެ ކަމަށް އީސީން ވަނީ ބުނެފައެވެ.