ވަގު ޕާސްޕޯޓެއް ހިފައިގެން އަންހެނަކު ރާއްޖެ އެތެރެވާން އުޅެފި
ވަގު ޕާސްޕޯޓެއް ބޭނުންކޮށްގެން ރާއްޖެ އެތެރެވާން މަސައްކަތް ކުރި ބިދޭސީ އަންހެނަކު ޑިޕާޓްމެންޓް އޮފް އިމިގްރޭޝަނުން ހިފަހައްޓައިފިއެވެ.
އިމިގްރޭޝަނުން ބުނި ގޮތުގައި އެމީހާ ހިފަހައްޓާފައިވަނީ ވެލާނާ އިންޓަރނޭޝަނަލް އެއާޕޯޓުންނެވެ. އެ ޑިޕާޓްމެންޓުން ހިއްސާ ކުރި ފޮޓޯއިން އެނގޭގޮތުގައި ހިފެހެއްޓި އަންހެން މީހާ އަކީ ބުރުގާ އަޅައިގެން އުޅޭ ޒުވާން އުމުރުގެ އަންހެނެކެވެ. އެ މައްސަލައާ ގުޅޭ އިތުރު މައުލޫމާތެއް އިމިގްރޭޝަނުން ދީފައެއް ނުވެއެވެ.
ފަހަކަށް އައިސް ވަގު ޕާސްޕޯޓު ބޭނުންކޮށްގެން ރާއްޖެ އެތެރެވާން މަސައްކަތް ކުރާ މީހުންގެ މައްސަލަތައް ވަނީ އިތުރުވެފައެވެ. އެގޮތުން މިދިޔަ ހަފްތާގެ އަންގާރަ ދުވަހުވެސް ޝަހުސު އޮޅުވާލައިގެން ރާއްޖެ އެތެރެވާން އުޅުނު ބިދޭސީއަކު އިމިގްރޭޝަނުން ހިފަހައްޓާފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
