އެމްޑީޕީގެ "ފުދިއްޖެ-ފުނޑިއްޖެ" ހިނގާލުން ހުކުރު ދުވަހުގެ ރެއަށް ބަދަލުކޮށްފި
ލިޔުންތެރިޔާ
ޚަދީޖާ އަރުފާ
އިދިކޮޅު މައި ސިޔާސީ ޕާޓީ އެމްޑީޕީން ހުކުރު ދުވަހު ހަވީރު ބޭއްވުމަށް ހަމަޖެހިފައިވާ "ފުދިއްޖެ-ފުނޑިއްޖެ" ހިނގާލުން ހުކުރު ދުވަހުގެ ރެއަށް ބަދަލުކޮށްފިއެވެ.
އެމްޑީޕީން ފުރަތަމަ މި ހިނގާލުން ބޭއްވުމަށް ނިންމީ ހުކުރު ދުވަހުގެ ހަވީރު 4:00 ގައެވެ.
ނަމަވެސް ހިނގާލުމުގެ ގަޑި ބަދަލުކޮށްފައިވާކަން ހާމަކޮށް އެމްޑީޕީން އެކްސްގައި ކުރި ޕޯސްޓެއްގައި ބުނެފައިވަނީ 31 ޖެނުއަރީވާ ހުކުރު ދުވަހުގެ ހަވީރު ބާއްވާ ހިނގާލުން އެރޭ 8:00ށް ބަދަލުވެފައިވާ ކަމަށެވެ.
އަދި ހިނގާލުމަށް މީހުން އެއްވާން ޖެހޭނީ އާޓިފިޝިއަލް ބީޗަށް ކަމަށް ވެސް ބުނެފައިވެއެވެ.
އެމްޑީޕީގެ ސަރުކާރު ނިމި، ރައީސް ޑރ މުއިއްޒުގެ ސަރުކާރު ފެށުނު އެންމެ އަހަރެއްވީތަނާ އެމްޑީޕީއިން މަގުމަތީ ހަރަކާތްތަކަށް ނިކުންނަން ނިންމީ "ގާނޫނު އަސާސީގެ ދިފާއުގައި" ނިކުންނަން ވެއްޖެކަމަށް އެޕާޓީގެ ގައުމީ މަޖިލީހުން ފާސްކުރުމާއި ގުޅިގެންނެވެ.
މިއީ އެޕާޓީން މިފަހުން ބާއްވާ ފުރަތަމަ މަގުމަތީ ހަރަކާތެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
