ނުރައްކާތެރި އެކްސިޑެންޓެއް ހިނގައި އެކަކު ހާލު ސީރިއަސް
މިއަދު ހަވީރުގެ ވަގުތެއްގައި ދަރުބާރުގޭ ކައިރިން ރިންގްރޯޑްގައި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން މައުލޫމާތުދޭ ގޮތުގައި މި އެކްސިޑެންޓް ހިނގާފައިވަނީ މިއަދު ހަވީރު 16:31 ހާއިރު، ދެ ސައިކަލް ޖެހިގެންނެވެ.
މި ދެ ސައިކަލްވެސް ދުއްވަން އިނީ ލައިސަންސް ހުރި ފަރާތްތަކެއްކަމަށް ފުލުހުން މައުލޫމާތުދެއެވެ.
އެގޮތުން އެއް ސައިކަލު ދުއްވަން އިން 22 އަހަރުގެ ފިރިހެން މީހާގެ ބޮލަށް ސީރިއަަސް އަނިޔާތަކެއް ވަނީ ލިބިފައެވެ. އެ ސައިކަލުގެ ފަހަތުގައި އިން އަށް އަހަރުގެ ކުއްޖާއަށްވެސް ވަނީ ކުދި އަނިޔާތަކެއްވެފައެވެ. ނަމަވެސް އެ ކުއްޖާގެ ހާލު ރަނގަޅުކަން ފާހަގަކޮށްލެވެއެވެ.
އަދި އެކްސިޑެންޓްވި އަނެއް ސައިކަލުގައި އިން 23 އަހަރުގެ މީހާގެ ހާލުވެސް ރަނގަޅުކަމަށް ފުލުހުން މައުލޫމާތުދެއެވެ.
މަންޒަރުދުށް ފަރާތަކުން ވޮއިސްއާއި ވާހަކަދައްކަމުން ބުނީ އެ އެކްސިޑެންޓްގައި އަނިޔާވި ކުޑަ ކުއްޖާގެ އަތް ވަރަށް ބޮޑަށް މަށައިގެން ދިޔައިރު، އެކަކު އޮތީ ހޭނެތިފައި ކަމަށެވެ. އަދި އަނެއް މީހާގެ ނޭފަތުން ލޭ އަންނަމުންދިޔަ ކަމަށްވެސް ވަނީ ބުނެފައެވެ.
ފުލުހުން ދަނީ މި ހާދިސާ އިތުރަށް ތަހުގީގުކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
