ރާއްޖޭގައި ވަކިިހިއްޕާފައިވާ އަނދިރި ދައުލަތް ރޫޅާލަން ޖެހޭ: ރައީސް ނަޝީދު
ދިވެހިރާއްޖޭގައި ޝެޑޯ ސްޓޭޓް ނުވަތަ އަނދިރި ދައުލަތެއް ވަކިހިއްޕާފައިވާ ކަމަށާއި، އެ ދައުލަތް ރޫޅާލަންޖެހޭ ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ގެއްލިފައިވާ މީހުންނާއި މަރުތަކުގެ މައްސަލަތައް ތަހުގީގުކުރާ ކޮމިޝަނުން އިއްޔެ އާންމުކުރި މައުލޫމާތުތަކާއި ގުޅިގެން ކުރެއްވި ޓްވީޓެއްގައެވެ.
ރައީސް ނަޝީދު ވިދާޅުވީ އެ ކޮމިޝަންގެ ރައީސް އަލްއުސްތާޛު ހުސްނުއްސުއޫދުގެ ތަހުގީގުން ފެނިފައިވާ ކަންކަމާއި ގުޅޭގޮތުން ދައުވާކުރުން އަވަސްކޮށްދިނުމަށް އެދިވަޑައިގަންނަވާ ކަމަށެވެ.
ރާއްޖޭގައި އަނދިރި ދައުލަތެއް ވަކިިހިއްޕާފައިވާކަން ފާހަގަކުރައްވަމުން ރައީސް ނަޝީދު ވިދާޅުވީ އެ އަނދިރި ދައުލަތް އެއްކޮށް ރޫޅާލަން ޖެހޭ ކަމަށެވެ.
އަދި ފުލުހުން އެ މުއައްސަސާގެ ފުރިހަމަ ދައުރު އަދާކުރަން ޖެހޭނެކަމަށްވެސް ރައީސް ނަޝީދު ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
