އެމްއެންޔޫއިން ކިޔަވަން ބޭނުންވާ ދަރިވަރުންނަށް ޚާއްސަ ހަރަކާތެއް!

މޯލްޑިވްސް ނޭޝަނަލް ޔުނިވަރސިޓީގައި ތައުލީމް ހާސިލްކުރަން ބޭނުންވާ ދަރިވަރުންނަށް އަމާޒުކޮށްގެން އެކުދިންނަށް ހުރި ފުރުސަތުތަކުގެ މައުލޫމާތުތައް އަންގައިދިނުމަށް ޚާއްސަ ހަރަކާތެއް ބޭއްވުމަށް ނިންމައިފިއެވެ.

"ވަން ސްޓޮޕް އެޑްމިޝަން"ގެ ނަމުގައި ކުރިއަށްދާ މި ހަރަކާތް އޮންނާނީ މިއަދު ހަވީރު 4:00 ން 6:00 އަދި ރޭގަނޑު 8:00 އިން 10:00 އަށް ޤައުމީ ޔުނިވަރސިޓީގެ މަރުކަޒީ އިދާރާގެ ގޯތިތެރޭގައެވެ.

މި ހަރަކާތުގައި އޮގަސްޓު މަހު ޔުނިވަރސިޓިން ފަށާ ކޯސްތަކުގެ ތެރެއިން ޖާގަހުރި ކޯސްތަކަށް އެޕްލިކޭޝަން ފޯމް ބަލައިގަނެ، ޝަރުތު ފުރިހަމަވާ ފަރާތްތަކަށް ޖާގަ ކަށަވަރުކޮށްދިނުމުގެ މަސައްކަތްވެސް ކުރިއަށްދާނެކަމަށް އެމްއެންޔޫއިން މައުލޫމާތުދެއެވެ.

މީގެ އިތުރުން އެޕްލިކޭޝަން ފޯމް ހުށަހަޅާ ފަރާތްތަކުގެ ތެރެއިން ސެޓްފިކެޓްތައް އެޓެސްޓު ކުރުމަށް ބޭނުންވާ ފަރާތްތަކަށް، ސެޓްފިކެޓްތައް އެޓެސްޓު ކޮށްދިނުމުގެ ޚިދްމަތްވެސް ފޯރުކޮށްދެވޭނެއެވެ.

ވަން ސްޓޮޕް އެޑްމިޝަންގެ ހަރަކާތްތައް މާލޭގެ އިތުރުން ޤައުމީ ޔުނިވަރސިޓީގެ އަތޮޅުތަކުގެ ކެމްޕަސްތަކުގައިވެސް ހިންގުމަށް އެމްެއެންޔޫއިން ވަނީ ނިންމާފައެވެ.