ކުޑަހުވަދޫގައި މުދާއުފުލާ ކުޑަ ޕިކަޕެއް ފަޅުތެރެއަށް ވެއްޓިއްޖެ
ލިޔުންތެރިޔާ
އަބްދުﷲ ހުސައިން
ދ.ކުޑަހުވަދޫގައި މުދާއުފުލާ ކުޑަ ޕިކަޕެއް ފަޅުތެރެއަށް މިއަދު ވެއްޓިއްޖެއެވެ.
ކުޑަހުވަދޫއިން ވޮއިސްއާ ވާހަކަދެއްކި މީހަކު ބުނީ މި ހާދިސާ ހިނގާފައިވަނީ، ބަނދަރުން މުދާ އަރުވައިގެން ދާން އުޅުމުގެ ތެރޭގައި ފަހަތަށްޖެހިވަގުތު ކޮންޓްރޯލް ނުވުމުންކަމަށެވެ. މި ހާދިސާގައި ޕިކަޕްގައި އެވަގުތު އިނީ ހަމައެކަނި ޑްރައިވަރުކަމަށްވެސް އޭނާ ބުންޏެވެ.
މި ހާދިސާގައި ޑްރައިވަރަށް މާބޮޑު އަނިޔާއެއް ނުވެއެވެ. ނަމަވެސް ޕިކަޕްގައި ހުރި މުދާތައް ޕިކަޕާއެކު މޫދަށް ފައިބައިގެން ދިޔައެވެ.
ރަށްރަށުގެ ބަނދަރަށް ޕިކަޕް ފަދަ އުޅަނދު ވެއްޓުމުގެ ހާދިސާތައް ދޭތެރެއަކުން ހިނގައެވެ. ބައެއް ފަހަރު މިފަދަ ހާދިސާތައް ހިނގަނީ ބްރަކި ފެއިލްވުމުގެ ސަބަބުންނެވެ. އަނެއްބައިފަހަރަށް އޮޅިގެން މާބޮޑަށް ރޭސް ދިނުމުންވެސް މިފަދަ ހާދިސާތައް ހިނގާފައި އެބަހުއްޓެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
