ލިފްޓްތައް ގެނެސް ލިފްޓްތައް ހަރުކުރުމުގެ މަސައްކަތް ފަށައިފި: ރައީސް މުޢިއްޒު
ރައީސް ޑރ. މުހައްމަދު މުއިއްޒުގެ ރިޔާސީ ވަޢުދުގައި ވިދާޅުވި ފަދައިން ހުޅުމާލެ ފޭސް 2 ގެ ހިޔާ ފްލެޓްގައި އިތުރު ލިފްޓް ހަރުކުރުމަށް ބޭނުންވާ، އިތުރު ލިފްޓްތައް ގެނެސް ލިފްޓްތައް ހަރުކުރުމުގެ ކަންތައް ކުރިއަށް ގެންދިއުމަށް މިހާރު ކުންފުންޏަކާއެކު އެއްބަސްވުމެއް ހަދާފައިވާ ކަމަށް ރައީސް ޑރ.މުހައްމަދު މުއިއްޒު ވިދާޅުވެއްޖެއެވެ.
ރައީސް މިފަދައިން ވިދާޅުވެފައިވަނީ މާލޭ މޭޔަރުކަމަށް ޕިޕީއެމް/ޕީއެންސީގެ ފަރާތުން ވާދަކުރައްވާ ކެންޑިޑޭޓް އަލްއުސްތާޛާ އައިޝަތު އާޒިމާ ޝަކޫރުގެ ކެންޕެއިން އިވެންޓެއްގައި ހުޅުމާލެ ފޭސް 2 ގައި ހުންނަވާ ވާހަކަފުޅު ދައްކަވަމުންނެވެ.
"ހިޔާ ސަރަހައްދު ނޫނީ ހުޅުމާލެ ދެ ވަނަ ފިޔަވަހީގައި އަޅުގަނޑުމެން ކުރިއަށް ގެންދަން ނިންމާފައި ހުރި ކަންތަތަކެއް އެބަހުރި. ރައްޔިތުން އެންމެ ބޮޑަށް ބޭނުންވާ ކަންތައްތައް. އެއް ކަމަކީ، މި ޓަވަރުތަކުގައި އިތުރު ލިފްޓްތަކެއް ހަރުކުރުން. އެކަންތައް ސަރުކާރުން ނިންމާފައިވާ ގޮތަށް މިހާރު އެޗްޑީސީން އެ ވަނީ މަސައްކަތް ފަށައި ބަޔަކާ އެގްރިމަންޓް ހަދައިގެން ލިފްޓްތައް ގެނެސް ލިފްޓްތައް ހަރުކުރުމުގެ މަސައްކަތް ފަށާފައި،"
ތަފްސީލް ދެއްވަމުން ރައީސް ވިދާޅުވިއެވެ.
މިއަދުގެ މި އިވެންޓުގައި ވާހަކަފުޅު ދައްކަވަން ރައީސް ޑރ. މުއިއްޒު ވިދާޅުވި ގޮތުގައި އަދިވެސް ވަރަށް ގިނަ ކަންކަން ހިޔާ ސަރަހައްދަށް ބޭނުންވާ ކަމަށާއި، އޭގެ ތެރޭގައި އިތުރު ދެ ސްކޫލާއި، ހޮސްޕިޓަލް ފަދަ ކޮންމެހެން ހުންނަން ޖެހޭ ކަންކަން އެ ސަރަޙައްދުގައި ފުރިހަމާވާން ޖެހޭކަމަށެވެ.
މިއަދުގެ މި ބައްދަލުވުމުގައިވެސް ރައީސް ޑރ.މުއިއްޒު ދެއްވި ޔަޤީން ކަމަކީ އެމަނިކުފާނުގެ ސަރުކާރުން އެސަހައްދުގެ ރައްޔިތުންނަށް ޖުމްލަކޮށް ބޭނުންވާ ކަންކަން ފުރިހަމަ ކޮށްދެއްވާނެކަމުގެ ޔަޤީން ކަމެވެ.
ރައީސް ޑރ. މުހައްމަދު މުއިއްޒު މިއަދު އެއްކޮށް ކަހަލަ ގޮތަކަށް ގެންދަވަނީ ސަރުކާރުގެ ކެންޑިޑޭޓުގެ ގޮތުގައި މާލޭގެ މޭޔަރު ކަމަށް ވާދަކުރައްވާ އުސްތާޛާ އާޒިމާގެ ކެންޕެއިން އިވެންޓްތަކުގައި ބައިވެ ވަޑައިގަންނަވަމުންނެވެ.
މޭޔަރުކަމުގެ އިންތިހާބު ބޭއްވުމަށް ހަމަޖެހިފައިވަނީ މިމަހުގެ 13 ވަނަ ދުވަހުއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
