އެސްއޭޕީ: އާސަންދަ މެދުވެރިކޮށް މެންޓަލް ހެލްތާއި ގުޅުންހުރި ޚިދުމަތްތައް ދެނީ
2023ވަނަ އަހަރުގެ ކުރިން ނަފްސާނީ ބަލިތަކާއި ގުޅުންހުރި ހިދުމަތްތައް އާސަންދައިން ލިބޭނެގޮތް ހަމަޖެއްސުމަށް ސަރުކާރުން ނިންމައިފިއެވެ.
ސަރުކާރުން ވަނީ މިރޭ ނެރުނު ފަސް އަހަރުގެ ސްޓްރެޓަޖިކް އެކްޝަން ޕްލޭންގައި މިކަން ހިމަނާފައެވެ.
އެ ޕްލޭންގައިވާ ގޮތުގައި 2023ގެ ނިޔަލަށް އާސަންދަ މެދުވެރިކޮށް މެންޓަލް ހެލްތާއި ގުޅުންހުރި ޚިދުމަތްތައް ލިބޭނެ އިންތިޒާމް ހަަމަޖެއްސުމަށް ވަނީ ނިންމާާފައެވެ. މިކަންކުރުމުގެ މަސައްކަތް ކުރަމުން އަންނަކަމަށް ރައީސުލްޖުމްހޫރިއްޔާ ވަނީ މީގެ ކުރިންވެސް ވިދާޅުވެފައެވެ.
އެކްޝަން ޕްލޭންގައި ވަނީ ސިއްހީ ދާއިރާ ޒަމާނީކޮށް އަދި ހަރުދަނާކުރުމަށް ގިނަ ކަންތައްތަކެއް ކުުރުމަށް އަމާޒުކޮށްފައެވެ. އެގޮތުން ގައުމީ އެންބިއުލާންސްގެ ޚިދުމަތް ތައާރަފްކުރުމާއި ސިއްހީ ޚިދުމަތްދޭ ހުރިހާ މަރުކަޒުތަކެއް އެއް ވިއުގައަކުން ގުޅާލާފައިވުން ހިމެނެއެވެ. އަދި މަދުވެގެން ދެ ސަރަހައްދެއްގައި ސާމްޕަލް ޓްރާންސްފަރ ކުރުމުގެ އިންތިޒާމް ހަމަޖެހިފައިވުމަށްވެސް ވަނީ އަމާޒުކޮށްފައެވެ.
މީގެ އިތުރުން ރީޖަނަލް އާރބަން ސެންޓަރތަކުގައި މަދުވެގެން ފަސް ޓާޝަރީ ހޮސްޕިޓަލް ފުރިހަމައަށް ހިންގުމަށާއި، ވިލީ ސިއްހީ ޚިދުމަތްތެރިން ތަމްރީންކުރުމަށްވެސް ވަނީ ނިންމާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
