ޝައިޚް ސަމީރުގެ "ޒުވާނުންނަށް" ދަރުސް މިރޭ

އަލް ޢަސްރުގެ ޒުވާނުންގެ ޕްރޮގްރާމް، ”ޔެޕް“ ގެ  ޚާއްޞަ އިވެންޓެއްގެ ގޮތުގައި މިރޭ "ޒުވާނުންނަށް" މި ނަމުގައި ދަރުހެއް ކުރިއަށްގެންދިޔުމަށް ހަމަޖެހިއްޖެއެވެ.

މި ދަރުސް މިރޭ 08:30 ގައި އިސްލާމީ މަރުކަޒު ހޯލުގައެވެ.

މި ދަރުހުގައި ޒުވާނުންނާގުޅޭ މުހިންމު މަޢުލޫމާތުތަކެއް އައްޝައިޚް އަޙްމަދު ސަމީރު ދެއްވާނެ ކަމަށް އަލް ޢަސްރުގެ ފަރާތުން މަޢުލޫމާތު ދެއެވެ.

އަލް އަސްރުން ބުނީ، ޔެޕް ގެ މިފަހަރުގެ މި އިވެންޓަކީ މުޅިން ހިލޭ ބައިވެރިވެވޭ އިވެންޓެއް ކަމަށެވެ. ޒުވާން ފިރިހެން އަދި އަންހެން ބޭފުޅުންނަށް ހުޅުވާލެވިގެން ކުރިޔަށް ގެންދެވޭ މި އިވެންޓުގައި ބައވެރިވުމަށް ރެޖިސްކޮށްލުމަށް ނަން، އުމުރު އަދި ގުޅޭނެ ނަންބަރެއް ޖެއްސެވުމަށްފަހު 7925277 މެސެޖު ނުވަތަ ވައިބަރ ކޮށްލެއްވުމުން ރެޖިސްޓަރ ވެވޭނެކަމަށް އަލް ޢަސްރު ބުންޏެވެ.

ޝެއިޚް ސަމީރުގެ ޒުވާނުންނަށް ދަރުހުގެ އިތުރުން، އަންނަ ހޮނިހިރު ދުވަހު "ވިނިންގް އެޓިޓިއުޑް – އެމްޕަވަރިންގ ޔޫތު ފޯ އެކްސަލެންސް" ނަމުގައި އިވެންޓެއް ބޭއްވުމަށް ވަނީ ހަމަޖެހުފައެވެ. މި އިވެންޓް ހުށައަޅާ ދެއްވާނީ އައްޝައިޚް ޖަޢުފަރު މުޙައްމަދު އުޘްމާނެވއ.

މީގެ އިތުރުން އަލް ޢަސްރުން މަޢުލާމާތު ދެމުން ބުނީ މި އިވެންޓުގައި ރާއްޖެއަށް ރަން ތަށި ހޯދައިދިން ކެޕްޓަން އަކްރަމް ޢަބްދުލްޣަނީއާއި އަދި ފުޓްސެލް ކިންގް މުޙައްމަދު އަރީޝްވެސް ގެސްޓް ސްޕީކަރސްގެ ގޮތުގައި ފެނިގެންދާނެކަމުގައެވެ.

ޔޫތު އެމްޕަވަރމެންޓް ޕްރޮގްރާމް (ޔެޕް) އަކީ އަލް ޢަސްރުގެ ފަރާތުން ޒުވާނުންނަށް ޚާއްޞަކޮށްގެން ކުރިއަށްގެންދާ ސީރީޒް ޕްރޮގްރާމެކެވެ. އަދި ކޮންމެ މަހަކުވެސް "ޔެޕް" ގެ އިވެންޓެއް ކުރިއަށް ގެންދިޔުމަކީ ޓީމުގެ ލަނޑުދަނޑިއެއް ކަމަށް އަލް އަސްރުން ބުނެއެވެ.

އަދި އަމިއްލަ ނަފްސު ތަރައްޤީ ކުރުމާއި ގުޅޭގޮތުން ހާއްސަކުރެވިފައިވާ ސެޝަކާއި، އައްޑަނަ ވޯރކްޝޮޕާއި، ޖަވާބު އެކެޑަމީ އާ ގުޅިގެން "އޭއައި އެންޑް މެޝިން ލަރނިންގ" އިވެންޓަކާއި މިނޫންވެސް އެކިއެކި ސެޝަންތައް  ޒުވާނުންނަށް ޚާއްޞަކޮށްގެން އަސްރުން ވަނީ ކުރިއަށް ގެންގޮސްފައެވެ. "ޔެޕް" އަކީ 2012 އިން ފެށިގެން އަލް ޢަސްރުން ކުރިއަށް ގެންދަމުންދާ ޕްރޮގްރާމެކެވެ.

އަދި ޒުވާނުން ބިނާކުރުމާއި ޒުވާނުންގެ ވިސްނުން ކުރިއަރުވައި ތަފާތު ދާއިރާތަކަށް އަހުލުވެރި ޒުވާނުންތަކެއް މި ޕްރޮގްރާމްގެ ދަށުން އުފެއްދުމަކީ މި ސެޝަންތަކުގެ މަޤްޞަދުކަމުގައި އަލް ޢަސްރުން ބުންޏެވެ.