2 އިންތިހާބު އެއްކޮށްލަން ގާނޫނުއަސާސީ އިސްލާހު ކުރަން ކޮމިޓީން ނިންމައިފި

ރިޔާސީ އިންތިހާބާއި މަޖިލިސް އިންތިހާބު އެކުގައި ބާއްވާ ގޮތަށް ގާނޫނުއަސާސާސީ އިސްލާހު ކުރުމަށް ހުށަހެޅި ބިލު، އެއްވެސް ބަދަލެއް ނުގެނެސް ކޮމިޓީން ފާސްކޮށްފިއެވެ.

މިއަދު އޮތް މިނިވަން މުވައްސަސާ ތަކުގެ ކޮމިޓީ ބައްދަލުވުމުގައި މިގޮތަށް ފާސްކޮށް ތަޅުމަށް ފޮނުވާފައިވަނީ ޖަލްސާގައި ބައިވެރިވި މެންބަރުންގެ އިއްތިފާގުންނެވެ.

މި އިސްލާހު މަޖިލީހުން ފާސްވެ، އަމަލު ކުރަން ފެށުމުން 2028ގެ ރިޔާސީ އިންތިހާބާއި 2029ގައި ބާއްވަން އޮތް މަޖިލިސް އިންތިހާބު ބާއްވަން ޖެހޭނީ އެއް ތާރީހެއްގަަ އެވެ. ވުމާއެކު މިހާރު ހިނގަމުން މިދާ މަޖިލީހުގެ ފަސް އަހަރުގެ ދައުރު ޑިސެމްބަރު 2028އަށް ނިމޭނެއެވެ.

ދެ އިންތިޚާބު އެއްކޮށްލަން ހުށަހެޅި ބިލް މަޖިލީހުން ފާސްކޮށްފައިވާއިރު، ކުރިއަށް އޮތް ލޯކަލް ކައުންސިލް އިންތިހާބާ އަންހެނުންގެ ތަރައްގީއަށް މަސައްކަތްކުރާ ކޮމިޓީ މެންބަރުންގެ އިންތިހާބު ބާއްވާއިރު، ރިޔާސީ އިންތިޚާބާ، ރަައްޔިތުންގެ މަޖިލީހުގެ އިންތިހާބު އެކުއެކީގައި ބޭއްވުމާ މެެދު ރައްޔިތުންނަށް ފެންނަ ގޮތެއް ބަލަން ބާއްވަން ޖެހޭ ރިފަރެންޑަން ބާއްވަންވެސް ސަރުކާރުން ވަނީ ހުށަހަޅާފައެވެ.

ނަމަވެސް އެ ވޯޓު ނެގޭނީ ގާނޫނުއަސާސީ އަށް ގެންނަ ބަދަލުގެ މަަސައްކަތް މިމަހުގެ 18 ގެ ކުރިން ނިންމައިގެން ކަމަށް އިލެކްޝަންް ކޮމިޝަން (އީސީ) ވަނީ ބުނެފައެވެ.

އެހެންކަމުން ބެލެވޭ ގޮތުން، މާދަމާ އޮންނަ މަޖިލީހުގެ ޖަލްސާގައި މި ފާސްކުރެވުނު ބިލަށް ވޯޓަށް އެހުން އޮންނާނެއެވެ.