ރޯދަމަސް ފެށުމުގެ ކުރިން ސައުދީގެ ކަދުރު ބަހާނެ
މިއަހަރުގެ ރަމަޟާން މަހަށް ސައުދީ ސަރުކާރުގެ ފަރާތުން ދިވެހިރާއްޖެއަށް ހަދިޔާކުރި ކަދުރުތައް، ރޯދަމަސް ފެށުމުގެ ކުރިން ބަހަން ފަށާނެކަމަށް އިސްލާމިކް މިނިސްޓަރ ޑރ. އަހުމަދު ޒާހިރު ވިދާޅުވެއްޖެއެވެ.
ކޮންމެ އަހަރެއްގައިވެސް ސައުދީ ރަސްގެފާނުގެ ހެޔޮއެދުންތަކާއި އެކު، އެގައުމުގެ ސަރުކާރުން ރާއްޖެއަށް ގިނަ އަދަދެއްގެ ކަދުރު ފޯރުކޮށްދެއެވެ
ފަންސާސް ޓަނުގެ ކަދުރުތައް ދިނުމަށް ސައުދީ އެމްބަސީގައި މިއަދު ހެނދުނު ރަސްމިއްޔާތަށް ފަހު މިނިސްޓަރ ވިދާޅުވީ ރޯދަމަސް ފެށުމުގެ ކުރިން ދިވެހި ރައްޔިތުންނަށް ކަދުރު ބެހުމުގެ މަސައްކަތް ފައްޓަވާނެ ކަމަށެވެ.
ނަމަވެސް ފަންސާސް ޓަނު ކަދުރަކީ ރާއްޖޭގެ ހުރިހާ ރައްޔިތުންނަށް ފުދޭނެ މިންވަރެއް ނޫން ކަމަށް އެމަނިކުފާނު ފާހަގަކުރެއްވިއެވެ.
ކޮންމެ އަހަރަކު ރޯދަ މަހާ ދިމާކޮށް ސައުދީގެ އިތުރު ރާއްޖޭގެ ވިޔަފާރިވެރިންވެސް ރައްޔިތުންނަށް ކަދުރު ބަހައެވެ.
މިއަހަރުގެ ރަމަޟާން މަހުގެ ހަނދު ސާބިތުކުރުމުގެ ޖަލްސާ އޮންނާނީ އަންނަ ހޮނިހިރު ދުވަހުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
