ރާއްޖޭގައި ސައުދީ އިންވެސްޓްމަންޓުތައް ފުޅާކުރުމުގެ މަޝްވަރާތަކަށް ޚަލީލް ސައުދީއަށް
ލިޔުންތެރިޔާ
ޚަދީޖާ އަރުފާ
ދިވެހިރާއްޖޭގެ ޚާރިޖީ ވަޒީރު ޑރ. ޢަބްދުالله ޚަލީލް ރަސްމީ ދަތުރެއްގައި ސައުދީ އަރަބިއްޔާއަށް މިއަދު ފުރާވަޑައިގެންފިއެވެ.
މި ދަތުރަކީ ސައުދީ އަރަބިއްޔާގެ ޚާރިޖީ ވަޒީރު އަމީރު ފައިސަލް ބިން ފަރްހާން އަލް-ސައުދުގެ ދަޢުވަތަކަށް ކުރައްވާ ތިން ދުވަހުގެ ދަތުރެކެވެ.
މި ދަތުރުގައި ޑރ. ޚަލީލް ސައުދީ އަރަބިއްޔާގެ ޚާރިޖީ ވަޒީރާ ބައްދަލުކުރައްވައި، ދެ ޤައުމުގެ ދެމެދުގައި އޮތް އަޚުވަންތަ ގުޅުން ބަދަހިކޮށް އެއްބާރުލުން އިތުރުކުރުމަށް މަޝްވަރާކުރައްވާނެ ކަމަށް ޚާރިޖީ ވުޒާރާއިން ބުނެއެވެ. އަދި ކުރިއަށް އޮތް ތަނުގައި އިތުރު ދާއިރާތަކުން ގުޅުން ބަދަހިކުރެވިދާނެ ގޮތްތަކާ ބެހޭގޮތުން މަޝްވަރާކުރައްވާނެ ކަމަށްވެސް ބުންޏެވެ.
މީގެ އިތުރުން، ޚާރިޖީ ވުޒާރާއިން މައުލޫމާތު ދިން ގޮތުގައި ޑރ. ޚަލީލް ސައުދީ އަރަބިއްޔާގެ ވިޔަފާރީގެ ވަޒީރާވެސް ބައްދަލުކުރައްވާ، ދެ ޤައުމުގެ ދެމެދުގައި ވިޔަފާރިއާއި އިންވެސްޓްމަންޓުގެ ފުރުޞަތުތައް އިތުރުކުރުމާ ބެހޭގޮތުން މަޝްވަރާކުރައްވާނެއެވެ.
ޑރ. ޚަލީލްގެ މި ދަތުރުފުޅުގައި ޚާރިޖީ ވުޒާރާގެ ސެކްރެޓަރީ، ބައިލެޓަރަލް ޑރ. ހަލާ ޙަމީދާއި، ޖޮއިންޓް ސެކްރެޓަރީ ޚަދީޖާ ނަޖީހާ ބައިވެރިވެ ވަޑައިގަންނަވައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
