ޖާބިރު މި ބުނަނީ ރައީސް ޔާމީން މިނިވަން ކުރަން، އެއީ ރައްޓެއްސެއް: ޖާބިރު

ކުރީގެ ރައީސް އަބްދުﷲ ޔާމީން ދޫކޮށްލުމަށް ރައްޔިތުންގެ މަޖިލީޙުގެ ކާށިދޫ ދާއިރާގެ މެންބަރު އަބްދުﷲ ޖާބިރު، އެމަނިކުފާނުގެ ރަހުމަތްތެރިއެއްގެ ހައިސިއްޔަތުން ގޮވާލައިފިއެވެ.

ޖާބިރު މި މޭރުމުން ވާހަކަފުޅު ދައްކަވާފައިވަނީ މިއަދުގެ ރައްޔިތުންގެ މަޖިލީހުގެ ޖަލްސާގައެވެ.

ފާހަގަކޮށްލެވޭ ގޮތުގައި ޖާބިރު މީގެކުރިން ވަނީ ރައީސް ޔާމީންގެ މައްޗަށް ޝަރީއަތެއް ކުރާކަށް ނުޖެހޭނެކަމަށާއި 25އަހަރަށް ގޮޅިއަށްލުމުން ނިމުނީކަމަށް ވިދާޅުވެ ވާހަކަފުޅުވެސް ދައްކަވާފައެވެ. ނަަމަވެސް ޖާބިރު މިއަދު ވަނީ ރާގު ބަދަލުކުރައްވާ، ރައީސް ޔާމީން މިނިވަންކުރުމަށް އެމަނިކުފާނުގެ ރަހުމަތްތެރިއެއްގެ ހައިސިއްޔަތުން ގޮވާލައްވާފައެވެ.

"އަޅުގަނޑު ޔާމީނާއި ބައްދަލުކުރަން އޮންނާނީ އެދިފައި. އެއީ ޖާބިރު، ކާށިދޫ ދާއިރާގެ މެންބަރު ގޮވަމުން ދިޔައީ އޭނަ ހައްޔަރު ކުރަން. ޖާބިރު މި ބުނަނީ އޭނަ މިނިވަންކުރަން މިހާރު އެއީ ޖާބިރު ރައްޓެއްސެއް އޭނައަކީ އިނގޭތޯ ރައީސް"، ޖާބިރު ވިދާޅުވިއެވެ.

އެބޭފުޅާ ވަނީ ރައީސް ޔާމީނާއި ބައްދަލުކުރެއްވުމަށް ހުއްދައަށް އެދި ހޯމް މިނިސްޓްރީއަށް ސިޓީއެއްވެސް ހުށައަޅުއްވާފައެވެ.