އެންމެންގެ ވޯޓު "ތިލަފަތަށް" ދިނުމަށް ރައީސް އިލްތިމާސް ކުރައްވައިފި
ރައްޔިތުންގެ މަޖިލީހުގެ އިންތިޚާބުގައި ހުރިހާ ފަރާތްތަކުން ވެސް ތިލަފަތަށް ވޯޓު ދިނުމަށް ދިނުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އިލްތިމާސް ކުރައްވައިފިއެވެ.
ރައީސް ސޯލިޙް މިގޮތަށް އިލްތިމާސް ކުރެއްވީ އެމްޑީޕީގެ މަޖިިލިސް ކެމްޕެއިންގެ ފަހު ޖަލްސާގައި ރޭ ވާހަކަފުޅު ދައްކަވަމުންނެެވެ.
"އިރާދަ ކުރެއްވިއްޔާ މި އިންތިހާބު އަޅުގަނޑުމެން ބޮޑުތަކުން ކާމިޔާބު ކުރާނަން. އެންމެންގެ ވޯޓު ތިލަފަތަށް ދެއްވާ،" ރައީސް ސޯލިހު ވިދާޅުވިއެވެ.
ރޭގެ ޖަލްސާގައި ރައީސް ސޯލިޙް ވިދާޅުވި ގޮތުގައި މަޖިލީހުގެ އިންތިހާބު ސަރުކާރުން ބޮޑުތަނުން ކާމިޔާބު ކުރާނެ ކަމަށެވެ.
އަދި މަދު ބައެއްގެ މަސްލަހަތު އިސްކޮށް ވެރިކަމުގެ ނިޒާމު ގަޑުބަޑު ކުރުމަށް ފުރުސަތު ނުދޭނެ މެމްބަރުން އިންތިހާބު ކުރަން ޖެހިފައިވާ ކަމަށް ރައީސް ސޯލިޙް ވަނީ ވިދާޅުވެފައެެވެ.
ރައްޔިތުންގެ މަޖިލީހުގެ އެއްބާރުލުން ސަރުކާރަށް ނުލިބޭކަން ފާހަގަކުރައްވައި ރައީސް ސޯލިހް ވިދާޅުވި ގޮތުގައި ވެރިކަމާ އި ހަވާލުވެ ވަޑައިގަތުމަށް ފަހު މަޖިލީހަށް 23 ބިލެއް ފޮނުއްވެވި ކަމަށެވެ.
އެހެން ނަމަވެސް އުއްމީދު ކުރެއްވި ގޮތާއި ޚިލާފަށް މަޖިލީހުން ފާސްކޮށްފައި ވަނީ އެންމެ 8 ބިލް ކަމަށް ރައީސް ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
