މާލެއިން މުދާ ބަރުކޮށްގެން ހުވަދުއަތޮޅަށް ދަތުރުކުރި ބޯޓެއް ފަރަށް އަރައި އަޑިއަށްދާން ފަށައިފި

މާލެއިން މުދާބަރުކޮށްގެން ހުވަދުއަތޮޅަށް ދަތުރުކުރި "ފަހިރޯޅިފަރެސްމާތޮޑާ" ބޯޓު ފަރަށް އަރައި އަޑިއަށްދާން ފަށައިފިއެވެ.

ބޯޓު ފަރަށް އަރައި ބޮޑުބައި އަޑިއަސް ގޮސްފައިވާކަން އެމްއެންޑީއެފުން އެކްސްގައި އާއްމުކުރި ފޮޓޯތަކުން އެނގޭއިރު، މި ބޯޓު އަރާފައިވަނީ ވ.އަތޮޅު ފެލިދޫ ފަރަށެވެ. ފަރަށް އެރިއިރު މި ބޯޓުގައި 12 މީހުން ތިބިކަމަށް އެމްއެންޑީއެފުްނ ބުނެއެވެ.

އެމްއެންޑީއެފުްނ ބުނީ ގއ. އަތޮޅަށް ދަތުރުކުރި "ފަހިރޯޅި ފަރެސްމާތޮޑާ" ދޯނި، ވ.ފެލިދޫ ހުޅަނގުން 5 ނޯޓިކަލް މޭލު ބޭރުން ފަރަކަށް އެރުމާ ގުޅިގެން، އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަން ޑައިވަރުންނާ އެކު ހަރަކާތްތެރިވަމުންދާކަމަށެވެ.

ބޯޓު ފަރަށް އެރިކަމުގެ މައުލޫމާތު ފުލުހުންނަށް ލިބުނީ ފަތިހު 05:01 ހާއިރުކަމަށް ފުލުހުން ބުންޏެވެ. ބޯޓުގައި ދަތުރުވެރިންގެ ގޮތުގައި ހަމީހަކު ހިމެނެއެވެ. އެއީ 5 ބިދޭސީއަކާއި ދިވެއްސެކެވެ. ބޯޓު އަޑިއަށްދާން މެދުވެރިވި ސަބަބަކީ ފަރަށް އަރައި މައްޔާފަޅައިގެން ދިއުމުގެ ސަބަބުންކަމަށް މައުލޫމާތު ލިބެއެވެ.

މި ހާދިސާގައި އެއްވެސް މީހަކަށް އަނިޔާވިކަމުގެ މައުލޫމާތެއް އަދި ނުލިބެއެވެ.