ގާސިމް ދަނީ ތިންބާރުވަކިވެފައިވާ ނިޒާމަށް ހަރާންކޯރުވަމުން: އީވާ
ރައްޔިތުންގެ މަޖިލީހުގެ ރައީސް ގާސިމް އިބްރާހިމް ދަނީ ތިންބާރު ވަކިވެފައިވާ ނިޒާމަށް ހަރާންކޯރުވަމުންކަމަށް ރައްޔިތުންގެ މަޖީލިހުގެ ގަލޮޅު އުތުރު ދާއިރާގެ މެންބަރ އީވާ އަބްދުﷲ ވިދާޅުވެއްޖެއެވެ.
އީވާ މިހެން ވިދާޅުވީ ވަޒީރުންނާއި މިނިވަން މުއައްސަސާތަކުގެ މެމްބަރުން އަދި ފަނޑިޔާރުންގެ އިތުބާރު ނެތް ކަމުގެ މައްސަލަ މަޖިލީހުން ފާސް ކުރުމާ މެދު ސުޕްރީމް ކޯޓުގެ އިސްތިޝާރީ ލަފައެއް ހޯދުމަށް މަޖިލީހުގެ އާންމު ކޮމިޓީއިން ފާސްކޮށްފައިވާ މައްސަލައިގެ ބަހުސްގައި ވާހަކަފުޅު ދައްކަވަމުންނެވެ.
އެކަމަނާ ވިދާޅުވީ ވެރިކަން ކުރުމާއި މަޖިލިސް ހިންގުން ފަދަ ކަންކަން ގާސިމް އިބްރާހިމްގެ" ރަހުމަތްތެރިން" ކަމަށްވާ ސުޕްރީމް ކޯޓުގައި ތިއްބެވި ބޭފުޅުންނަށް އެއްކޮށް ހަވާލުކޮށްފައި އެންމެން ގެއަށް ދާންވީތޯކަމަށެވެ. އަދި ސުޕްރީމް ކޯޓުގެ ތިން ފަނޑިޔާރުންގެ ފަސް ފަނޑިޔާރުންގެ ލަފައަކަށް ގައުމު އެއްކޮށް ހިންގަން ހަވާލުކުރަންވީނުންތޯވެސް އީވާ ސުވާލުކުރެއްވިއެވެ.
އީވާ ވިދާޅުވީ ގާސިމް ދަނީ ރައްޔިތުންގެ މަޖިލިސް މެދުވެރިކޮށް ބަޣާވާތެއް ކުރައްވަމުން ކަމަށާއި ތިންބާރު ވަކިވެފައި އޮތް ނިޒާމެއް އޮޅާލަމުންދާ ކަމަށެވެ.
މިއަދުގެ ޖަލްސާގައި އީވާ ވަނީ ގާސިމްގެ މައްޗަށް ދިވެހި ދައުލަތުގެ ތިން ބާރު ވަކިވެފައި އޮތް ނިޒާމަށް ހަރާންކޯރުވެ ވަޑައިގަންނަވާކަމުގެ ތުހުމަތުވެސް ކުރައްވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
