ޕްލާސްޓިކް ކޮތަޅުގެ ފީ ގެ ގޮތުގައި ލިބެންޖެހޭ 1.54 މިލިއަން ރުފިޔާ ނުލިބޭ: މީރާ

ޕްލާސްޓިކް ކޮތަޅުގެ ފީ ގެ ގޮތުގައި ލިބެންޖެހޭ 1.54 މިލިއަން ރުފިޔާ ނުލިބޭ ކަމަށް މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އިން ބުނެފިއެވެ.

މީރާއިން، މިދިޔަ އަހަރުގެ މާލީ ރިޕޯޓު ހާމަ ކޮށްފައިވާއިރު، މާލީ ރިޕޯޓުން ހާމަ ވިގޮތުގައި، 2023 ވަނަ އަހަރުގެ މެއި މަހުން ނޮވެމްބަރު މަހުގެ ނިޔަލަށް، ޕްލާސްޓިކް ކޮތަޅު ފީ ގެ ގޮތުގައި ލިބިފައިވަނީ 8.65 މިލިއަން ރުފިޔާއެވެ.

އަދި ޕްލާސްޓިކް ކޮތަޅުގެ ފީގެ ގޮތުގައި ލިބެން ޖެހޭ ކަމަށް ރިޕޯޓުކޮށްފައިވާ 317 ފަރާތަކުން 1.54 މިލިއަން ރުފިޔާ ނުދައްކާ ކަމަށް ވެސް ރިޕޯޓުގައިވެއެވެ. އެހެންކަމުން ދައުލަތަށް ޕްލާސްޓިކް ކޮތަޅު ފީ އިން އާމްދަނީގެ ގޮތުގައި މިދިޔަ އަހަރު ލިބޭނެ ކަމަށް އަންދާޒާކުރި ވަރަށް ވުރެ 70 އިންސައްތަ ވަނީ ދަށްވެފައެވެ.

ޖީއެސްޓީއަށް ރަޖިސްޓްރީކޮށްފައިވާ ވިޔަފާރި ހަރަކާތްތަކުން ނަގާ ޕްލާސްޓިކް ކޮތަޅު ފީ ގެ އަދަދަކީ ދައުލަތަށް ނެގޭ ޓެކުހެކެވެ. ޕްލާސްޓިކް ކޮތަޅުގެ ފީ ގެ ގޮތުގައި ދެ ރުފިޔާ ނަގާ ގޮތަށް ކަނޑައަޅާފައި ވަނީ މިދިޔަ އަހަރުގެ އެޕްރީލް މަހުގެ 18 ވަނަ ދުވަހުން ފެށިގެންނެވެ.

މި ޓެކްސް ޓެކްސް ނަގަން ނިންމާފައިވަނީ ކުނި މެނޭޖް ކުރުމުގެ ގާނޫނުގެ ދަށުންނެވެ