ނިޔާވީ ދެ ކުދިން، މެޝިނެއް ހަލާކެއް ނުވޭ: އައިޖީއެމްއެޗް

އައިޖީއެމްއެޗްގައި އިއްޔެ ވިހެއި ކުދިންގެ ތެރެއިން ނިޔާވެފައިވަނީ ދެ ކުދިން ކަމަށް އެހޮސްޕިޓަލުން ބުނެފިއެވެ.

''ވޮއިސް'' އަށް މައުލޫމާތު ދެއްވަމުން އައިޖީއެމްއެޗްގެ މީޑިއާ އޮފިޝަލް މިއަދު ވިދާޅުވީ، އެހޮސްޕިޓަލުގައި އިއްޔެ ވިހެ ކުދިންގެ ތެރެއިން ތިން ކުއްޖަކު ނިޔާވި ކަމަށް މީޑިއާގައި މައުލޫމާތު ފެތުރި ނަމަވެސް އެއީ މުޅިން ރަގަޅޫ މައުލޫމާތެއް ނޫން ކަމަށެވެ.

އޭނާ ވިދާޅުވި ގޮތުގައި ނިޔާވެފައިވަނީ ދެކުދިންނެވެ. އަދި ލޭބަރ ރޫމުގެ މެޝިންތައް ހަލާކުވެފައި ހުރިކަމަށް ދެކެވެ ވާހަކަތަކާއި ގުޅިގެން އޭނާ ވިދާޅުވީ މެޝިނުތައް ހުރީ ރަގަޅަށް ކަމަށާއި މެޝިނުގައި އެއްވެސް މަައްސަލައެއް ނޫޅޭ ކަމަށެވެ.

ދެ ކުދިން ނިޔާވި ކަމަށް ވިދާޅުވި ނަމަވެސް، އެކަން ހިނގަން މެދުވެރިވި ސަބަބެއް އޭނާ ހ ާމައެއް ނުކުރައްވައވެ. ވިދާޅުވީ އެކަމާ ގުޅިގެން ވަރަށް އަވަހަށް ބަޔާނެއް ނެރޭނެ ކަމަށެވެ.

އިއްޔެ ހެނދުނު ވިހެއި ދެ ކުދިންނާއި ރޭގެ ވަގުތެއްގައި ވިހެއި ކުއްޖަކު ނިޔާވިކަމަށް ސޯޝަލް މީޑިޔާގައި ވަނީ އަޑުފެތުރިފައެވެ. ސޯޝަލް މީޑިޔާގައި އާންމުވެފައިވާ ޕޯސްޓެއްގައިވާ ގޮތުގައި އެ ހޮސްޕިޓަލްގެ ވިއްސާ ކޮޓަރީގެ މެޝިންތަކެއް ވަނީ ހަލާކުވެފައެވެ. ނަމަވެސް މިކަން އައިޖީއެމްއެޗްއިން ވަނީ ދޮގުކޮށްފައެވެ.

ފަހަކަށް އައިސް ދިވެހިރާއްޖޭގައި އަލަށް ވިހާ ކުދިން މަރުވުމުގެ ހާދިސާތައް ވަނީ އިތުރުވެފައެވެ.