އުރީދޫގެ މިފަހަރުގެ ކަލަންޑަރު ހާއްސަ ކުރީ ސަޔަށް

އުރީދޫ ގެ މި އަހަރުގެ ކަލަންޑަރު ދިވެހިންގެ އާދަކާދައިގައި ހިމެނޭ ސައި ބުއިމުގެ ސަގާފަތަށް ހާއްސަކޮށް "ޓީ ވިތް އުރީދޫ" ގެ ނަމުގައި ނެރެފި އެވެ.

ކޮންމެ އަހަރަކުވެސް އުރީދޫގެ ކަލަންޑަރުން ދިވެހި ސަގާފަތާއި އުފެއްދުންތެރިކަމާއި ތަޖުރިބާ ހިއްސާ ކުރާ ވާހަކައެއް ކިޔައިދެއެވެ. އެގޮތުން 2026 ވަނަ އަހަރުގެ ކަލަންޑަރު ހާއްސަކޮށްފައިވަނީ ރާއްޖޭގެ ޖީލުތަކާއި މުޖުތަމައުތައް ގުޅުވައިދޭ ސަގާފަތެއް ކަމަށްވާ "ސައި" ގެ މައްޗަށެވެ.

ސަޔަކީ ރާއްޖޭގެ ގޭގޭގައި ޒަމާނުއްސުރެވެސް ހަމައެކަނި ބުއިމަކަށް ވުރެ މާ މާނަހުރި އެއްޗެކެވެ. އެއީ ދުވަސް ފެށުމަށާއި، ބުރަ ދުވަހެއްގެ މެދުތެރެއިން ހަމަޖެހިލުމަށް ނަގާ ވަގުތުކޮޅެކެވެ. ނުވަތަ އާޢިލާއާއި ރަހުމަތްތެރިން ބައްދަލުވާ ގޮތެކެވެ. "

މި ސަގާފަތާ ގުޅުވައިގެން 2026 ވަނަ އަހަރުގެ ކަލަންޑަރުގައި ކޮންމެ މަހަކު ވެސް ތަފާތު ސައިގެ ބާވަތެއް ހިމެނިފައިވެއެވެ. މި ކަލަންޑަރުގައި ގެނެސްދެވިފައިވާނީ ރާއްޖޭގެ އެކި ކަންކޮޅުތަކުގައި ލިބެން ހުންނަ މޭވާ އަދި މާމެލާމެލި ރަހަތައް ހިމޭ ސައެވެ. ކޮންމެ ޞަފްހާޢަކުން ފެނިގެންދާނީ މިފަދަ ސައިތަކުގައި އެކުލެވިގެންވާ މައި ރަހައިގެ ބާވަތަކަމަށް އުރީދުއިން މައުލޫމާތުދެއެވެ.

އުރީދޫ މޯލްޑިވްސްގެ ސީއީއޯ އަދި މެނޭޖިންގ ޑިރެކްޓަރ ޚާލިދު އަލް ހަމާދީ ވިދާޅުވާ ގޮތުގައި އުރީދޫއިން ގަބޫލުކުރާ ގޮތުގައި ގުޅުންތަކަކީ ހަމައެކަނި ޓެކްނޮލޮޖީގެ ޒަރީއާއިން ބަދަހިވާ އެއްޗެއް ނޫނެވެ. އަދި ސައި ބުއިމުގެ ސަގާފަތަކީ ދިވެހިން އެކަކު އަނެކަކާ ގުޅުން ބަދަހިވުމުގެ އެއް މެދުވެރިއެއް ކަމަށާއި އޮފީސް މަސައްކަތުގަޔާއި، ރައްޓެހިން ނުވަތަ އާއިލާ އެއްވެލާ ފަދަ މުހިންމު ގިނަ ވަގުތު ތަކުގައިވެސް ސައި ބުއިމަކީ ދިވެހިންގެ އާދަކާދައިގައި ހިމެނޭ މުހިންމު ކަމެއްކަމުން އުރީދޫގެ 2026 ވަނަ އަހަރުގެ ކަލަންޑަރުގެ ތެރެއިން މި އާދަ ކާދަ ދިރުވަން ބޭނުންވާ ކަމަށް ޚާލިދު ވިދާޅުވިއެވެ.

އުރީދޫ މޯލްޑިވްސް އިން މި އަހަރު ޑެސްކް ކަލަންޑަރުގެ އިތުރުން ފާރުގައި އަޅުވާ ކަލަންޑަރެއް އަދި ޑިޖިޓަލް ކަލަންޑަރެއް ވެސް ތައާރަފްކުރިއެވެ. އެކުންފުނިން މައުލޫމާތުދޭ ގޮތުގައި ކޮންމެ މަހަކު ވެސް ދިވެހި ރަހަތައް ހިމެނިފައިވާ ހާއްސަ ގްރީންޓީ ބްލެންޑެއްގެ ޓީ ކޭކެއް ޑެސްކް ކަލަންޑަރާއެކު، ހިމެނިފައި ވާނެއެވެ. އަދި ކަލަންޑަރުގެ ޑިޖިޓަލް ވާޝަނެއް ވެސް ލިބެން ހުންނާނެ އެވެ.

އުރީދޫ މޯލްޑިވްސްގެ އުންމީދަކީ 2026 ވަނަ އަހަރުގެ ކަލަންޑަރަކީ ޑެސްކް، ފާރު އަދި ސްކްރީނުން ކޮންމެ ދުވަހެއްގެ އާދަކާދަގެތެރޭގައި ހިމެނޭ ކަލަންޑަރަކަށް ވެގެންދިޔުން ކަމަށް އެކުންފުނިން ބުނެއެވެ.