އަންހެނުންނާ ކުޑަކުދިން ގޮވައިގެން ދަތުރުކުރި ބޯޓެއް ކާށިދޫ ކަނޑަށް ހުއްޓިއްޖެ
ލިޔުންތެރިޔާ
އަބްދުﷲ ހުސައިން
އަންހެނުންނާއި ކުޑަކުދިން ގޮވައިގެން ދަތުރުކުރި ބޯޓެއް އިންޖީނު މައްސަލަޖެހި ކާށިދޫ ކަނޑަށް ހުއްޓިއްޖެއެވެ.
މިކަމާ ގުޅޭގޮތުން އެމްއެންޑީއެފުން ބުނީ އިންޖީނު ހުއްޓުނީ މާލެއިން ޅ.ނައިފަރަށް ދަތުރުކުރި ބޯޓެކެވެ. އެ ބޯޓުގައި 40 މީހަކު ތިބިކަމަށާއި، އޭގެ ތެރޭގައި އަންހެނުންނާއި ކުދަކުދިން ހިމެނޭަކަމަށް އެމްއެންޑީއެފުން ބުންޏެވެ. މި ހާދިސާގެ ރިޕޯޓް އެމްއެންޑީއެފަށް ލިބުނީ މިއަދު ހެނދުނު 08:15 ގައެވެ.
ހުއްޓުނު ބޯޓާ ދިމާލަށް އެމްއެންޑީއެފްގެ ކޯސްޓުގާޑުން ދަތުރުކުރަމުންދާކަމަށް އެމްއެންޑީއެފުން ވަނީ ބުނެފައެވެ. އެގޮތުން "ލައިފްލައިން" ނަމަކަށް ކިޔާ މި ބޯޓުގައި ތިބި މީހުން ނައިފަރަށް ގެންގޮސްދިނުމުގައި އެމްއެންޑީއެފް ކޯސްޓްގާޑު ފަސްޓް ސްކޮޑްރަންގެ ދެ ހާބަރކްރާފްޓް ލޯންޗާއި، ކޯސްޓްގާޑުގެ ގަލްފްކްރަފްޓް ލޯންޗެއް ހަރަކާތެރިވަމުންދާަކަމަށް އެމްއެންޑީއެފުން ވަނީ ބުނެފައެވެ.
މިދުވަސްވަރަކީ މޫސުން ގޯސް ދުވަސްވަރެއްކަމުން މޫސުމަށް ބަލާފައި ނޫނީ ދަތުރު ނުފެށުމަށް ކަމާބެހޭ ފަރާަތްތަކުން ދަނީ ތަކުރާރުކޮށް ނަސޭހަތްތެރިވަމުންނެވެ. މިގޮތުން މިއަދުވެސް މޫސުން ގޯސްވާނޭކަމަށް ލަފާކޮށް މެޓް އޮފީހުން ވަނީ ހުދު ސަމާލް ނެރެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
