ޝެއިޚް ސަމީރާއި ޝެއިޚް އަލީ ޒާހިރުގެ ތާއީދު އިއްބެއަށް
އަމިއްލަ ގޮތުން މައްޗަންގޮޅި މެދު ދާއިރާއަށް ކުރިމަތިލައްވާފައިވާ އިބްރާހީމް މުޙައްމަދު އަށް ތާއީދު ކުރައްވާކަން ރާއްޖޭގެ އެންމެ މަޤްބޫލު ދީނީ ޢިލްމުވެރިންގެ ތެރޭގައި ހިމެނިވަޑައިގަންނަވާ ޝެއިޚް އަހްމަދް ސަމީރާއި ޝެއިޚް އަލީ ޒާހިރު ހާމަކުރައްވައިފިއެވެ.
ދެ ޢިލްމުވެރިން ވެސް އިއްބެ އަށް ތާއީދު ކުރާކަން ހާމަކޮށް ސޯޝަލް މީޑިޔާގައި ވަނީ އިއްބެއަށް ކާމިޔާބަށް އެދިވަޑައިގަންނަވާކަން ހާމަކުރައްވާފައެވެ.
އެގޮތުން ޝެއިޚް އަލީ ޒާހިރު ކުރެއްވި ޓްވީޓެއްގައި ވިދާޅުވެފައި ވަނީ އިއްބެ އަކީ ރައްޔިތުންގެ މަޖިލީހަށް ވަރަށް އެކަށީގެންވާ ގާބިލް ބޭފުޅެއް ކަމަށެވެ. އަދި އިސްލާމްދީނާއި ރައްޔިތުންގެ ހައްގުގައި އިއްބެ ވަކާލާތު ކުރާނެ ކަމާއި މެދު ޝައްކު ނުކުރާކަމަށް ވެސް ޝެއިޚް އަލީ ޒާހިރު ވަނީ ވިދާޅުވެފައެވެ.
މީގެ އިތުރުން އިއްބެ އަކީ ރައްޔިތުން މަޖްލީހަށް ދީނީ ޢިލްމުވެރިންގެ މަޝްވަރާ ފޯރުކޮށްދެވޭނެ، ދޮރެއްކަމަށް ދެކެވަޑައިގަންނަވާ ކަމަށް ޓްވިޓާގައި ދީނީ ޢިލްމުވެރިޔާ ޝެއިޚް ސަމީރު ވެސް ވަނީ ވިދާޅުވެފައެވެ.
ޝެއިޚް ސަމީރާއި ޝެއިޚް އަލީ ޒާހިރު އިއްބެއަށް ތާއީދު ކުރައްވަން ނިންމެވި އިރު ކުރީގެ އިސްލާމިކް މިނިސްޓަރ ވެސް ވަނީ އިއްބެއަށް ތާއީދު ކުރައްވާ ކަން ހާމަކުރައްވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
