ސައިކަލް މަޑިދަށުން 4 ލައްކަ ރުފިޔާ ވަގަށްނެގި ބިދޭސީ މީހާ ހައްޔަރުކޮށްފި
ބުރުޒު މަގުގައި ހުރި ކެފޭއެއްގެ ކައިރިން ސައިކަލެއްގެ މަޑިދަށުން 4 ލައްކައަށްވުރެ ގިނަ ރުފިޔާ ވަގަށް ނެގި މީހަކު ހައްޔަރުކޮށްފިއެވެ.
ބުރުޒު މަގުގައި ހުންނަ ޙަބީބު ކެފޭގެ ކައިރީގައި ބަހައްޓާފައި ހުރި ސައިކަލެއްގެ މަޑިދަށުން 4 ލައްކައަށްވުރެ ގިނަ ރުފިޔާ ވަގަށް ނެގި މައްސަލައިގައި ހައްޔަރުކޮށްފައިވަނީ ބަންގްލަދޭޝްގެ ރައްޔިތެއް ކަމަށްވާ 45 އަހަރުގެ ޖަހަންގީރު އާލަމްއެވެ.
މި މައްސަލައިގައި އޭނާ ހައްޔަރުކޮށްފައިވަނީ 2024 ވަނަ އަހަރުގެ ސެޕްޓެމްބަރު މަހުގެ 12 ވަނަ ދުވަހު ކޯޓު އަމުރެއްގެ ދަށުންނެވެ. މި މައްސަލައިގައި އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން، ގާޒީ ވަނީ 15 ދުވަހަށް ބަންދުކުރުމަށް އަމުރުކޮށްފައެވެ.
މި ވަންކަމުގެ މައްސަލަ ހިނގާފައިވަނީ 2024 ވަނަ އަހަރުގެ ސެޕްޓެމްބަރު މަހުގެ 11 ވަނަ ދުވަހުގެ ހެނދުނުގެ ވަގުތެއްގައި ކަމަށް ފުލުހުން މަޢުލޫމާތު ދެއެވެ. މި މައްސަލަ ފުލުހުން ދަނީ ތަޙުޤީޤު ކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
