މިހާ ގިނަ ފިރިހެނުން މަޖިލީހުގައި ތިބޭކަށް ނުޖެހޭ: ޖާބިރު
ރައްޔިތުންގެ މަޖިލީހުގެ މެންބަރުންގެ ގޮތުގައި ތިބޭ އަންހެނުންގެ އަދަދު އިތުރުކުރުމަށް ކާށިދޫ ދާއިރާގެ މެންބަރު އަބްދުﷲ ޖާބިރު ވަކާލާތުކުރައްވައިފިއެވެ.
މިއަދުގެ ރައްޔިތުންގެ މަޖިލީހުގެ ޖަލްސާގައި ވާހަކަފުޅު ދައްކަވަމުން ޖާބިރު ވިދާޅުވީ މަޖިލީހާއި ކެބިނެޓްގައި ތިބި އަންހެނުންގެ އަދަދު މަދުކަަމަށާއި އެގޮތަށް ވެގެންނުވާނެކަމަށެވެ.
"މި އިއްޒަތްތެރި މަޖިލީހުގައި ވެސް އެހާ މަދު އަންހެން ބޭފުޅުން. މީ ކިހާބޮޑު އަޖައިބެއްތޯ. މިހާ ގިނަ ފިރިހެން ބޭފުޅުން ކޮންމެ މަޖިލީހެއްގައި ތިބޭކަށް ނުޖެހޭނެ،" ޖާބިރު ވިދާޅުވިއެވެ.
އެބޭފުޅާ އިތުރަށް ވިދާޅުވީ ކޮރަޕްޝަންގެ އަމަލުތަކާއި އެންމެ ދުރު ބަޔަކީ އަންހެނުންކަން އެކި ދިރާސާތަކުން ސާބިތުވެފައިވާ ކަމަށާއި ފަނޑިޔާރުގޭގައިވެސް ކޮންމެވެސް ވަރަކަށް އަންހެނުން ތިބެންވާނެކަމަށެވެ.
އެގޮތުން ސުޕްރީމް ކޯޓުގެ 30 ޕަސެންޓު ނުވަތަ 40 ޕަސެންޓު އަންހެން ބޭފުޅުން ތިބޭގޮތަށް ކޮމެޓީގެ މަރުހަލާގައި ނިންމުމަށް ޖާބިރު ވަނީ އެދިލައްވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
