ސުނާމީ ބިނާ ސަރަހައްދުގައި ޕާކްކޮށްފައިވާ އުޅަނދުތައް ނަގަން އަންގައިފި
ލިޔުންތެރިޔާ
ޚަދީޖާ އަރުފާ
މާލޭގެ "ސްކޭޕިންގ މަޝްރޫއު" ގެ ދަށުން ސުނާމީ ބިނާ މައިޒާން ތަރައްގީކުރުމުގެ މަސައްކަތް ފެށުމަށްޓަކައި، އެ ސަރަހައްދުގައި ޕާކްކޮށްފައިވާ އުޅަނދުތައް ނެގުމަށް ދިވެހި ފުލުހުންގެ ހިދުމަތުން އަންގައިފިއެވެ.
ފުލުހުން އެކްސްގައި ކުރި ޕޯސްޓެއްގައި ބުނެފައިވަނީ، ސުނާމީ ބިނާ މައިޒާން ތަރައްގީކުރުމުގެ މަސައްކަތަށް ފުލުހުން އާއްމުކޮށްފައިވާ ޗާޓުގައިވާ ސަރަހައްދުގައި ޕާކުކޮށްފައިވާ އެންމެހާ އުޅަނދުތައް، މިއަދު އިރުއޮއްސި 18:00 ގެ ކުރިން އެ ސަރަހައްދުން ނަގައި ހުސްކޮށްދިނުމަށް އެދޭ ކަމަށެވެ.
މާލޭގެ މަލަމަތި ރީތިކޮށް، އާންމުންނަށް ހިތްފަސޭހަ މައިޒާންތަކެއް ގާއިމުކުރުމަށް ކުރިއަށްދާ މި މަސައްކަތުގެ ދަށުން ސުނާމީ ބިނާ ހިމެނޭ ސަރަހައްދު އިތުރަށް ތަރައްގީކޮށް، ޒަމާނީ ބަދަލުތަކެއް ގެނެވޭނެއެވެޒ
ފުލުހުންގެ މެސެޖުގައި އިތުރަށް ބުނެފައިވަނީ، މިފަދަ ކަންކަމުގައި އާންމު ރައްޔިތުންގެ ފަރާތުން ފުލުހުންނަށް ދެއްވާ އެއްބާރުލުމަށް ޝުކުރު ދަންނަވާ ކަމަށެވެ. އަދި މި ކަމުގެ ސަބަބުން އުޅަނދުތައް ގެންގުޅޭ ފަރާތްތަކަށް ދިމާވެދާނެ ދަތިތަކަށް ފުލުހުން ވަނީ މައާފަށް އެދިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
