އިންޑިޔާ ކަނޑުގެ ސަރަޙައްދުގެ ރައްކާތެރިކަމަށް، އިންޑިޔާއިން ދޭ އެހީތެރިކަމަށް ޝުކުރުވެރިވަން: ޞާލިޙް

ކުރީގެ ރައީސް އިބްރާހީމް މުޙައްމަދު ޞާލިޙް އިންޑިޔާގެ މިނިވަންދުވަހުގެ ތަހުނިޔާ ފޮނުއްވައިފިއެވެ.

ރައީސް ޞާލިހު ތަހުނިޔާ ފޮނުއްވާފައި ވަނީ މިއަދު ފާހަގަކުރަމުންދާ އިންޑިޔާގެ 78 ވަނަ މިނިވަންދުވަހުގެ ތަހުނިޔާ އިންޑިޔާގެ ރައީސް ދްރައުޕަދީ މުރުމުއަށާއި، ބޮޑުވަޒީރު ނަރެންދްރަ މޯދީއަށާއި އަދި އިންޑިޔާގެ ރައްޔިތުންނަށް ފޮނުއްވައި އެކްސްގައި ކުރެއްވި ޕޯސްޓެއްގައެވެ.

އެ ޕޯސްޓުގައި ވިދާޅުވެފައިވަނީ އިންޑިޔާއިން "ވިކްސިޓް ބާރަތް" ގެ ލަނޑުދަނޑިއަށް ވާސިލްވާން މަސައްކަތް ކުރަމުންދާއިރު، އިންޑިޔާއިން ދިވެހިރާއްޖެއަށާއި އިންޑިޔާ ކަނޑުގެ ސަރަޙައްދުގެ ސަލާމަތާއި ރައްކާތެރިކަމަށް ދެއްވާފައިވާ އެހީތެރިކަމަށް ޝުކުރުވެރިވާ ކަމަށެވެ:

މީގެއިތުރުން ރައީސް ޞާލިޙް ވިދާޅުވެފައިވަނީ ޒަމާންވީ ޒަމާނުއްސުރެ ދިވެހިންނާއި އިންޑިޔާ ރައްޔިތުންނާ ދެމެދު އޮތް ރަޙްމަތްތެރިކަމުގެ ގުޅުން ދެމިގެންދިއުމަށް އެދޭ ކަމަށެވެ.

އިންޑިޔާގެ މިނިވަންދުވަސް ފާހަގަކުރަނީ ކޮންމެ އަހަރެއްގެ އޮގަސްޓް 15 ވަނަ ދުވަހުއެވެ. މިއަހަރަކީ އިންޑިޔާ މިނިވަންވިތާ 77 އަހަރު ފުރޭ 78 ވަނަ މިނިވަންދުވަހެވެ.