ސީޝެލްސްގެ މިނިވަން ދުވަހުގެ ތަހުނިޔާ ރައީސް ފޮނުއްވައިފި
ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ސީޝެލްސްގެ މިނިވަން ދުވަހުގެ ތަހުނިޔާ އެ ޤައުމުގެ ރައީސް ވޭވަލް ރާމްކަލާވަންއާއި އެ ޤައުމުގެ ސަރުކާރަށާއި ރައްޔިތުންނަށް ފޮނުއްވައިފިއެވެ.
އެގޮތުން ރައީސް އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ސީޝެލްސްގެ މިނިވަން ދުވަހުގެ ތަހުނިޔާ އެ ޤައުމުގެ ރައީސް ވޭވަލް ރާމްކަލާވަންއާއި އެ ޤައުމުގެ ސަރުކާރަށާއި ރައްޔިތުންނަށް އަރިސްކުރައްވާ ސީޝެލްސްގެ ރައްޔިތުންނަށް އުފާފާގަތިކަމާއި އެއްބައިވަންތަކަމަށް އެދިވަޑައިގަންނަވާ ކަމަށެވެ.
ރައީސް ވިދާލުވެފައިވާ ގޮތުގައި ދެ ޤައުމުގެ އާންމު މަސްލަހަތު ހިމެނޭ ކަންކަމުގައާއި ސަރަހައްދީ ސުލްހައާއި އަމާންކަން ޤާއިމުކުރުމަށް ރާއްޖޭގެ ފުރިހަމަ އެއްބާރުލުން އަބަދުވެސް ލިބޭނެކަމުގައިވެސް ރައީސްގެ ޕޯސްޓުގައި ވަނީ ވިދާޅުވެފައެވެ.
ސީޝެލްސް އިން އެ ޤައުމުގެ މިނިވަން ދުވަސް މިއަދު ފާހަގަކުރަމުންދާއިރު ފާހަގަކޮށްލަންޖެހޭ ގޮތުގައި މިއީ އެ ޤައުމުގެ 48 ވަނަ މިނިވަން ދުވަހެވެ. އިނގިރޭސީންގެ ހިމާޔަތުގެ ދަށުން ސީޝެލްސްއަށް މިނިވަންކަން ލިބިފައިވަނީ 1977 ވަނަ އަހަރުގެ ޖޫން މަހުގެ 29 ވަނަ ދުވަހުގައެވެ. ސީޝެލްސްގެ ޤައުމީ ދުވަސްވެސް ފާހަގަކުރަނީ އެ ޤައުމުގެ މިނިވަން ދުވަހެއްގައިކަން ފާހަގަކޮށްލަންޖެހެއެވެ.
ދިވެހިރާއްޖެއާ ސީޝެލްސްއާ ދެމެދު ސިޔާސީ ގުޅުން ޤާއިމްކޮށްފައި ވަނީ، 1980 ވަނަ އަހަރުގެ ތެރޭގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
