މާލެ ސަރަހައްދުގައި ބިނާކުރާ މިސްކިތްތަކުގެ އަގު 200 މިލިއަން ރުފިޔާ އާ ކައިރިކުރާނެ: ޝަހީމް

މިސްކިތްތައް ބިނާކުރުމަށް މި ސަރުކާރުން ފަށާފައިވާ މަސައްކަތްތަކުގެ ދަށުން ހަމައެކަނި މާލެ ސަރަހައްދުގައުި ކުރިއަށްދާ މަޝްރޫޢުތަކުެގ އަގު 200 މިލިއަން ރުފިޔާ އާ ގާތްކުރާނޭކަމަށް އިސްލާމިކް މިނިސްޓަރު ޑރ.މުހައްމަދު އަލީ ޝަހީމް ވިދާޅުވެއްޖެއެވެ.

މިނިސްޓަރު ޝަހީމް ވަނީ އެމަނިކްފާނުގެ ބްލޮގްގައި މާލެ ސަރަހައްދުގައި މިސްކިތްތައް ބިނާކުރުމަށް ކުރިއަށްގެންދާ މަސައްކަތްތަކާ ގުޅޭގޮތުން މައުލޫމާތު ހިއްސާކުރައްވާފައެވެ.

މާލެ ސިޓީއަކީ މާލެ ސިޓީއަކީ މި ފަޚުރުވެރި އިސްލާމީ ދިވެހިރާއްޖޭގެ ހިތް، އަދި ރާއްޖޭގެ އިސްލާމީ ޙަޟާރަތުގެ މައި ކިއްލާކަން ފާހަގަކުރައްވަމުން ޝަހީމް ވިދާޅުވީ، މާލެ ސިޓީގައި ބާވެފައި ހުރި މިސްކިތްތަކުގެ ބަދަލުގައި ޒަމާނީ ބޮޑެތި މިސްކިތްތައް ބިނާކުރުމަކީ ސަރުކާރުގެ އަމާޒެއް ކަމަށެވެ. އެގޮތުން ރަށްދެބައިމަގާއި މަޖީދީމަގު ކަންމަތީގައި ހުރި ދުވަސްވީ ބަރުބަރީ މިސްކިތުގެ މަސައްކަތް މިދިޔަ އަހަރު ފެށިފައިވާއިރު، ތިން ބުރިއަށް ބިނާކުރެވޭ ޒަމާނީ އެ މިިސްކިތް މިއަހަރުގެ ޑިސެމްބަރު މަހު ހުޅުވޭނޭަކަމަށް ވިދާޅުވިއެވެ.

މަޖީދީމަގުގައި ހުންނަ ޒިކުރާ މިސްކިތް އަންނަ ޖަނަވަރީ މަހުގައި ފެށޭއިރު، އެތަނުގެ މަސައްކަތް ބަޔަކާ ޙަވާލުކުރެވިފައިވާއިރު މިހާރު ކުރިއަށް ދަނީ ޑިޒައިން ކުރުމުގެ މަރްޙަލާކަމަށް މިނިސްޓަރު ވިދާޅުވިއެވެ.

ވިލިމާލެގައި ބާވެފައި ހުރި ސަލާމް މިސްކިތް ތަޅާލައި އެތަނުގައި ޒަމާނީ ބޮޑު މިސްކިތެއް އެޅުމުގެ މަސައްކަތް ފެށުމަށް ތައްޔާރުވަމުންދާއިރު، އެތަންވެސް ވަނީ ބަޔަކާ ޙަވާލުކޮށްފައެވެ. މިހާރު ކުރިއަށް ދަނީ ޑިޒައިންކުރުމުގެ މަރްޙަލާއެވެ. އަދި ބޮޑުގެ ވަގުތީ މިސްކިތް ހުރި ތަނުގައި ދަޢުވާ ސެންޓަރަކާއެކު ހަތަރު ބުރީއަށް ބިނާކުރެވޭ ޒަމާނީ ބޮޑު މިސްކިތުގެ ބިންގާ މާދަމާ އެޅިގެންދާނެއެވެ.

2 އަހަރު ތެރޭ މި ހުރިހައި ތަންތަން ﷲ ގެ ހެޔޮ ރަޙުމަތްފުޅާއެކު ނިމޭނެއެވެ.ހުޅުމާލެ ފޭސް 1 ގައި ހުރި ވަގުތީ މިސްކިތް ހުރިތަނުގައި ވެސް އެދަނީ ބޮޑު ޒަމާނީ މިސްކިތެއް ބިނާކޮށް ނިމެމުން. މިހުރިހައި ތަނަކަށް ވަނީ ހެޔޮ އެދޭ ފަރާތްތަކުން ސްޕޮންސަރ ލިބިފަ. ދެން ބާކީ މާލެ ސިޓީގައި ހުންނާނީ ބާވެފައި ހުރި އެންމެ މިސްކިތް އެއީ ހެންވޭރު މަސްޖިދު ޢަފީފުއްދީން. ﷲ އިރާދަކުރެއްވިއްޔާ އެތަން ވެސް ޒަމާނީ ފެންވަރަށް ބިނާކުރެވޭނެ މަގު އަންނަ އަހަރު ފަހިވެގެންދާނެ

މިނިސްޓަރު ޝަހީމް ވިދާޅުވީ މިހުރިހައި މަޝްރޫޢަކަށް ގާތް ގަނޑަކަށް 200 މިލިއަން ރުފިޔާއާ ގާތްކުރާ އަދަދަކަށް ޚަރަދުވާނެކަމަށް ލަފާކުރެވޭކަމަށެވެ. މިނިސްޓަރު ވިދާޅުވީ މާލެގައި ބާވެފައި ހުރި މިސްކިތްތައް ޒަމާނީ ފެންވަރަށް ތަރައްޤީކުރެވިގެންދާއިރު، އާސާރީ މިސްކިތްތައް ހަމަ އެގޮތުގައި އާސާރީ ތަންތަން ގޮތުގައި ދެމިހުންނާނެ ކަމަށެވެ. ޒަމާނީ މިސްކިތްތައް ބިނާކުރެވިގެން ދަނީ އިލްމީ އަދި އިޖްތިމާޢީ ގޮތުން ވެސް އެތަންތަން ބޭނުންކުރެވޭނެ ފަދަ ގޮތަކަށް ކަމަށްވެސް މިނިސްޓަރު ފާހަގަކުރެއްވިއެވެ.

ސަރުކާރުން ދަނީ މާލޭގެ އިތުރުންވެސް އަތޮޅޫތެރޭގެ ރަށްތަކުގައިވެސް ޒަމާނީ މިސްކިތްތަކާއި އިސްލާމިކް ސެންޓަރުތައް ބިނާކުރަމުންނެވެ.