މާދަމާއިން ފެށިގެން ވިނަރެސް ފުލެޓްތައް ކައިރިއަށް އާރުޓީއެލް ބަސް ހުއްޓާނެ

މާދަމާއިން ފެށިގެން ހުޅުމާލޭ ދެވަނަ ފިޔަވަހީގެ ވިނަރެސް ފްލެޓްތައް ކައިރީ އާރުޓީއެލްގެ އައު ބަސްހުއްޓިއެއް ޤާއިމުކޮށް ޚިދުމަތްދޭން ފަށާނެ ކަމަށް އެމްޓީސީސީން ބުނެފިއެވެ.

އެމްޓީސީސީން ކުރި ޕޯސްޓެއްގައި ބުނެފައިވަނީ ރައްޔިތުންގެ އެދުމާއި އެއްގޮތަށް ހުޅުމާލޭ ދެވަނަ ފިޔަވަހީގެ ވިނަރެސް ފްލެޓްތަކުގައި ދިރިއުޅޭ ރައްޔިތުންނަށް އާރުޓީއެލް ބަހުގެ ޚިދުމަތް ފަސޭހައިން ފޯރުކޮށްދިނުމަށްޓަކައި އެ ސަރަހައްދުގައި އައު ބަސް ހުއްޓިއެއް ޤާއިމުކުރެވި މާދަމާއިން ފެށިގެން ޚިދުމަތްދޭން ފަށާނެ ކަމަށެވެ.

އެމްޓީސީސީން އިތުރަށް ބުނެފައިވާ ގޮތުގައި މި ބަދަލާއިއެކު ހިދުމަތުގެ ފެންވަރު ރަނގަޅު ކުރުމުގެ ގޮތުން އާރު7، އާރު8 އަދި އާރު9 ރޫޓުތަކަށް ވެސް ބަދަލުތަކެއް އަންނާނެއެވެ.

މާދަމާއިން ފެށިގެން ބަސްދަތުރުތަކަށް އަންނަ ބަދަލަކީ :

އާރު 6 (ހުޅުމާލޭ ފޭސް 1 - ފޭސް 2)

އާރު 7 (ހުޅުމާލެ ފޭސް 2 - ވެސްޓް ޕާރކް)

އާރު 8 (ހުޅުމާލެ ފޭސް 2 - ކަރނިވަލް)

އާރު 9 ( ހުޅުމާލެ ފޭސް 2 - އެއަރޕޯޓް)

އެމްޓީސީސީގެ މި ޕޯސްޓާއި އެކު ބަސްދަތުރުގެ ރޫޓީންގއަށް އަންނަ ބަދަލާއި ގުޅޭ ޗާޓެއްވެސް ވަނީ އާއްމު ކުރައްވާފައެވެ.

ހަމަ އެހެންމެ އާރުޓީއެލް ބަހުގެ ޚިދުމަތުގެ ރޫޓުތަކާއި ޝެޑިއުލްތަކާއި ގުޅޭ އިތުރު މައުލޫމާތު ހޯދުމަށް އާރުޓީއެލްގެ ވެބްސައިޓް http://www.rtl.mv ނުވަތަ އާރުޓީއެލް މޮބައިލް އެޕްލިކޭޝަން މެދުވެރިކޮށް ބަލާލެވޭނެކަމަށާއި އަދި ހޮޓްލައިން ނަންބަރަ 1650 އަށް ގުލައިގެންވެސް އިތުރު މައުލޫމާތު ލިބޭނެ ކަމަށްވެސް އެމްޓީސީސީން ބުނެފައިވެއެވެ.