އާރުޑީސީން ކުޑަހުވަދޫގެ މަގުތަށް ތަރައްޤީކުރުމުގެ މަސައްކަތް ބާރު ސްޕީޑްގައި ކުރިއަށް
ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ދ. ކުޑަހުވަދޫގެ މަގުތަށް ޒަމާނީ ފެންވަރަށް ތަރައްޤީކުރުމުގެ މަސައްކަތް ބާރަށް ކުރިއަށްދާކަމަށް އެކުންފުނިން ބުނެފިއެވެ.
އާރުޑީސީން ބުނީ ހޮޅުދޫ މަގުތައް ހެދުމުގެ މަސައްކަތް ހަމަޖެހިފައިވާ ގޮތަށް ކުރިއަށްދާކަމަށެވެ. އެގޮތުން އެކުންފުނިން އެކްސްގައި ހިއްސާކޮށްފައިވާ ޕޯސްޓެއްގައި ބުނެފައިވަނީ އެގޮތުން މިހާރު ކުރިއަށްދަނީ އެރަށު އާކުރި މަގުގައި ސްޓޯރމް ވޯޓަރ ޓޭންކް ބެހެއްޓުމާއި ހޮޅި އެޅުމުގެ މަސައްކަތުގެ އިތުރުންމަގު ލެވެލް ކުރުމުގެ މަސައްކަތްކަމަށެވެ.
މި މަޝްރޫއުގެ ދަށުން ކުޑަހުވަދޫގެ 5.85 ކިލޯމީޓަރުގެ މަގުގައި ތަރުއެޅުމަށް ހަމަޖެހިފައިވާއިރު، މަގުތަކުގައި ފެންހިންދާ ނިޒާމް ޤާއިމްކުރުމާއި މަގުބައްތި ޖެހުމަށްވެސް ވަނީ ހަމަޖެހިފައެވެ. މި މަޝްރޫއު 445 ދުވަހުގެ ތެރޭގައި ނިންމުމަށް ވަނީ ހަމަޖެހިފައެވެ.
އާރު.ޑީ.ސީއިން ބުނާގޮތުގައި މި މަޝްރޫއުގެ ޖުމުލަ އަގަކީ 122 މިލިޔަން ރުފިޔާއެވެ.
ކުޑަހުވަދޫ މަގުހެދުމުގެ މަޝްރޫއުގެ ފުރުތަމަ ފިޔަވަހީގެ ދަށުން 2015 ވަނަ އަހަރު ވަނީ އެރަށު 13 މަގެއްގައި ރާރުއަޅައި ޒަމާނީ ފެންވަރަށް ތަރައްގީކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
