ދެ ސައިކަލު ޖެހި ނުރައްކާތެރި އެކްސިޑެންޓެއް؛ އަނިޔާވި ދެމީހުންނަށް ހޮސްޕިޓަލުގައި ފަރުވާދެނީ!
ލިޔުންތެރިޔާ
ޚަދީޖާ އަރުފާ
ބްރިޖުން މާލެއަށް ފައިބާ ސަރަޙައްދުގައި ދެ ސައިކަލު ޖެހި ނުރައްކާތެރި އެކްސިޑެންޓެއް ހިނގައިފިއެވެ.
މި ހާދިސާ ފުލުހުންނަށް ރިޕޯޓުކޮށްފައިވަނީ މިއަދު ހެނދުނު 10:21 ގައެވެ.
ފުލުހުން މަޢުލޫމާތު ދެއްވާފައިވާ ގޮތުގައި، މި އެކްސިޑެންޓުގައި ސައިކަލު ދުއްވި ދެ މީހުންނަށް އަނިޔާވެ، ފަރުވާދިނުމަށް އައި.ޖީ.އެމް. ހޮސްޕިޓަލަށް ގެންގޮސްފައިވެއެވެ. އަނިޔާވި ދެ މީހުންގެ ޙާލަތު ސީރިއަސް ނޫން ކަމަށް މަޢުލޫމާތު ލިބިފައިވާ ކަމަށް ފުލުހުން ވިދާޅުވިއެވެ.
ވޮއިސް އަށް މައުލޫމާތު ލިބިފައިވާ ގޮތުގައި އެކްސިޑެންޓްގައި އަނިޔާވި އެކެއްގެ ބޯ ވަނީ ވަރަށް ބޮޑަށް ފަޅައިގެން ގޮއްސައެވެ. އަދި އޭނާގެ ފައިވެސް ދުޅަވެފައިވާއިރު ފަރުވާ ދެމުންދަނީ އައިޖީއެމްއެޗް އެމެޖެންސީގައެވެ.
މި އެކްސިޑެންޓުގައި ހިމެނޭ ދެ ސައިކަލު ވެސް ދުއްވާފައިވަނީ އީ ކެޓަގަރީގެ އުޅަނދު ދުއްވުމުގެ ލައިސަންސް އޮންނަ ދެ މީހުން ކަމަށް ފުލުހުން ހާމަކުރެއްވިއެވެ.
މި މައްސަލަ ފުލުހުން ގެންދަނީ ތަޙުޤީޤު ކުރަމުން ކަމަށް ވެސް ފުލުހުން ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
