އިދިކޮޅުގެ މުޒާހަރާ އެއްވެސް ހުރަހެއް ނެތި ކުރިއަށްދަނީ
ކުރީގެ ރައީސް އަބްދުﷲ ޔާމީން އަބްދުލްގައްޔޫމް ދޫކޮށްލުމަށް ގޮވާލައި ޕްރޮގްރެސިވް ކޯލިޝަނުން މާލޭގައި އެއްވުމެއް ފަށައިފިއެވެ.
މި އެއްވުން ކުރިއަށް ގެންގޮސްފައިވަނީ ކާނިވާ ސަރަހައްދުގައެވެ. ސަބަބަކީ މިއީ ކުރިން އެންގުމަކާއި ނުލައި މާލޭގައި އެއްވެވޭނެ ހަމައެކަނި ސަރަހައްދުކަމަށް ވާތީއެވެ. ކާނިވާ ސަރަހައްދުގައި ޝުއޫރު ފާޅުކުރުމަށްފަހު އެފަރާތްތަކުން މިހާރު ވަނީ މަގުމައްޗަށް ނުކުމެފައެވެ.
މިރޭގެ މުޒާހަރާގައި ޕީޕީއެމް އަދި ޕީއެންސީގެ އިސްފަރާތްތަކުން ވަނީ ރައީސް ޔާމީން ދޫކޮށްލުމަށް ގޮވާލައި، މިއީ އަނިޔާވެރި ސަރުކާރެއްކަމަށްބުނެ ޝުއޫރުފާޅުކޮށްފައެވެ.
މި އެއްވުމަށް ހުރަސްއެޅުމަށް ފުލުހުން އެއްވެސް މިންވަރަކަށް ހަރަކާތްތެރިވަމުން ނުދާކަން ފާހަަގަކޮށްލެވެއެވެ. ފާާއިތުވެދިޔަ ސަރުކާރުގައި އިިދިކޮޅުން މަގުމަތީގައި ހިންގި ހަރަކާތްތައް ހުއްޓުވުމަށް ފުލުހުން މަަސައްކަތް ކުރިއިރު، މި ސަރުކާރުން އެކަން ނުކުރަނީ ޑިމޮކްރަސީގެ މިސާލު ދެއްކުމަށްކަމަށްބުނެ ސޯޝަލް މީޑިޔާގައި ގިނަ ފަރާތްތަކުން ދަނީ ޝުއޫރުފާޅުކުރަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
