50 ޕަސެންޓް ކަސްޓަމަރުން ގަވާއިދުން ފެންބިލް ނުދައްކާ!
އެމްޑަބްލިޔުއެސްސީގެ ކަސްޓަމަރުންގެ ތެރެއިން 50އިންސައްތަ އެއްހާ ކަސްޓަމަރުން ގަވާއިދުން ފެން ބިލް ނުދައްކާކަމަށް ބުނެފިއެވެ.
އެކަން އެކުންފުނީގެ ފަރާތުން ހާމަކޮށްފައިވަނީ މިއަދު ބޭއްވި ނޫސްވެރިންގެ ބައްދަލުވުމެއްގައެވެ.
އެ ބައްދަލުވުމުގައި ވާހަކަފުޅު ދައްކަވަމުން ކުންފުނީގެ މެނޭޖިންގް ޑިރެކްޓަރ އާދަމް އާޒިމް ވިދާޅުވީ އެބޭފުޅާ މަގާމާ ހަވާލުވެވަޑައިގެންނެވި އިރު، ފައިސާ ނުލިބި ގިނަ އަދަދެއްގެ ފެން ބިލް ހުރިކަމަށާއި އެގޮތުން ގާތްގަނޑަށް އެއް މަހަށް ވުރެ ގިނަ ދުވަހުގެ ފައިސާ ނުދައްކާ ހުރި ކަސްޓަމަރުންގެ އަދަދު 50 ޕަސެންޓަށް އަރާ ކަމަށެވެ.
ނަމަވެސް މިހާތަނަށް ކުރެވިފައިވާ މަސައްކަތްތަކުން އެ އަދަދު ވަރަށް ބޮޑަށް ތިރިކުރެވިފައި ވާކަމަށް މަޚުލޫފް ފާހަގަކުރެއްވިއެވެ.
އާޒިމް ވިދާޅުވީ، ފެންމީޓަރު އަބަދުވެސް ކަނޑާލީ އެހިދުމަތް ބޭނުންކުރާ ފަރާތަކަށް އެންގުމަށް ފަހު ކަމަށެވެ. އަދި އަލުން އެ ހިދުމަތް ލިބޭނީ އެމްޑަބްލިޔުއެސްސީއަށް ފައިސާ ދައްކައިގެންކަމަށް އާޒިމް ފާހަގަކުރެއްވިއެވެ.
މިއަދުގެ ބައްދަލުވުމުގައި އާޒިމް ވަނީ ފެނުގެ ހިދުމަތަށް ދައްކަން ޖެހޭ ފައިސާ ގަޑިން ގަޑިއަށް ދެއްކުމަށް ހުރިހާ ފަރާތްތަކުގެ ކިބައިން އެދިވަޑައިގަންނަވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
