ޕީއެންސީ އުފެއްދުމަށް ޕީޕީއެމްގެ މުދާ ބޭނުންކުރާ ކަމަށް ބުނާ މައްސަލައެއް ބަލަނީ
ޕީޕަލްސް ނޭޝަނަލް ކޮންގްރެސް (ޕީއެންސީ) އުފެއްދުމުގެ މަސައްކަތައް ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގެ މުދާ ބޭނުންކޮށްފައިވާކަމަށް ބުނެ އިލެކްޝަންސް ކޮމިޝަނަށް ހުށަހަޅާފައިވާ މައްސަލައެއް އެކޮމިޝަނުން ބަލަން ފަށައިފިއެވެ.
އިލެކްޝަންކޮމިޝަންގެ މެންބަރު އަހުމަދު އަކްރަމް ވިދާޅުވީ ޕީޕީއެމްގެ މުދާތައް ބޭނުންކޮށްގެން ޕީއެންސީ އުފައްދަން މަސައްކަތް ކުރަމުންދާ ކަމަށް ބުނެ އަމިއްލަ ފަރާތަކުން އެކޮމިޝަނަށް ހުށަހަޅާފައިވާ މައްސަލައެއް ބަލަމުން އަންނަކަމަށެވެ. އަދި އެ މައްސަލަ މިހާރު ބަލަމުން އަންނާތީ އިތުރު ތަފްސީލެއް ދެވެނ ނެތް ކަމަށް އަކްރަމް ވަނީ ވިދާޅުވެފައެވެ.
ޕީއެންސީ އުފެއްދުމަށް ޕީޕީއެމްގެ މުދާ ބޭނުންކުރާ ކަމަށް ބުނެ އިލްކްޝަނަށް މައްސަލަ ހުށަހަޅާފައި ވީ ނަމަވެސް މީޑިއާއަށް މައުލޫމާތު ދެއްވަމުން އަބްދުއްރަހީމް ވިދާޅުވެފައިވަނީ ޕީއެންސީ އުފެއްދުމަށް ޕީޕީއެމްގެ މުދާ ބޭނުންކޮށްފައި ނުވާނެ ކަމަށާއި، އެއީ ކަނޑައެޅިގެން ދޮގެއް ކަމަށެވެ.
ޕީއެންސީ އުފެއްދުމުގައި ޕީޕީއެމްގެ މުދާ ބޭނުންކޮށްފައި ނުވާކަމަށް އަބްދުއްރަހީމް ވިދާޅުވެފައިވާއިރު، އެޕާޓީގެ އުފައްދާނީ ޕީޕީއެމްގެ ރައީސް ޔާމީން އަބްދުލްގައްޔޫމް އިސްކޮށް ހަރަކާތްތެރިވާ ގޮތަކަށް ކަމަށް މީގެކުރިން އެފަރާތްތަކުން ބުނެފައިވެއެވެ. ޕީއެންސީ އުފެއްދުމުގެ ހުރިހާ ކަމެއް ވެސް ކުރިއަށް ގެންގޮސްފައިވަނީ ޕީޕީއެމްގެ އޮފީސް ގޮތުގައި ކަނޑައަޅާފައިވާ ހ. ހުރަފާ ގައިކަމަށް ވަނީ އަޑުފެތުރިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
