ބަންގްލަދޭޝްގައި ހިނގި އެކްސިޑެންޓެއްގައި ދިވެއްސެއްގެ ފައިބިނދިއްޖެ!

ބަންގްލަދޭޝްގައި ހިނގި ކާރު އެކްސިޑެންޓެއްގައި ދިވެއްސެއްގެ ފައި ބިންދައިގެން ހިނގައްޖެއެވެ.

“ވޮއިސް” އަށް މައުލޫމާތު ލިބިފައިވާ ގޮތުގައި އެކްސިޑެންޓްގައި އަނިޔާވެފައިވަނީ ޚިދުމަތް ޖަމިއްޔާގެ އޮޕަރޭޝަންސް މެނޭޖަރު ހުސެން ހައިޝަމް އެވެ.

އަދި އެކްސިޑެންޓް ހިނގާފައިވަނީ، ޑާކާއިން ޗިޓަގޮންގްއަށް، ހައިޝަމް އާއި އެ ޖަމިއްޔާގެ އެހެން މެންބަރަކު ދަތުރުކުރަމުންދިޔަ ކާރުގެ ޑްރައިވަރަށް ނިދިގެން، ކާރު ކޮންޓްރޯލުން ނެއްޓި، މަގުގެ އަރިމަތީގައި ހުރި ގަހެއްގައި ޖެހިގެންނެވެ.

އެކްސިޑެންޓް ވުމުގެ ސަބަބު ހައިޝަމްގެ ފައިގެ ފަލަމަސްގަނޑުގެ ކަށިގަނޑު ބިންދައިގެން ގޮސްފައިވާއިރު، ކާރުގެ ފަހަތު ސީޓްގައި އިން އަނެއް ދިވެހި މީހާއަށް އަނިޔާއެއް ވެފައި ނުވާ ކަމަށް މައުލޫމާތު ލިބެއެވެ.

މިވަގުތު ހައިޝަމަށް ދަނީ ހޮސްޕިޓަލުގައި ފަރުވާދެމުންނެވެ.