ހައްޖު ކޯޕަރޭޝަންގެ ހައްޖު-އުމްރާ މެޑިކަލް ޓީމް ޕޫލްގައި ރަޖިސްޓްރީވުމުގެ ފުރުސަތު

ހައްޖު ކޯޕަރޭޝަންގެ ހިދުމަތްތައް އިތުރަށް ހަރުދަނާ ކުރުމަށް ހައްޖާއި އުމްރާ ދަތުރުތަކަށް މެޑިކަލް ޓީމް ދަފްތަރެއް އެކުލަވާލުމުގެ މަސައްކަތް ފަށައިފިއެވެ.

ހައްޖު ކޯޕަރޭޝަނުން ކުރި އިއުލާނެއް ބުނީ، އެކުންފުނީގެ ފަރާތުން ކުރާ ޙައްޖާއި ޢުމްރާ ދަތުރުތަކުގައި ބައިވެރިވާ ސިއްޙީ މަސައްކަތްތެރިން ހިމެނޭ ދަފްތަރެއް އެކުލަވާލުމަށް ނިންމާފައިވާ ކަމަށެވެ.

އެހެންކަމުން އެ ދަފްތަރުގައި ޑޮކްޓަރ އަދި ނަރުހެއްގެ ގޮތުގައި ރެޖިސްޓާވާން ޝައުޤުވެރިވާ ފަރާތްތަކުން އެޕްލިކޭޝަން ފޯމް ހުށަހެޅުންވުމުގެ ފުރުސަތު ހުޅުވާލެވިފައިވާ ކަމަށެވެ. އެ އިއުލާނުގައި މި ދެމަގާމަށް ރެޖިސްޓާރ ވާ ފަރާތްތަކުގެ ހުންނަންޖެހޭ ޝަރުތުތައްވެސް ހިމަނާފައިވެއެވެ.

ހައްޖު ކޯޕަރޭޝަނުން ބުނީ ދަފްތަރު އެކުލަވާކުމަށްފަހު އެކޯޕަރޭޝަންގެ ފަރާތުން ކުރާ ޙައްޖާއި ޢުމްރާ ދަތުރުތަކުގައި ބައިވެރިކުރާނެ އެހީތެރިން ހޮވާނީ މިދަފްތަރުގައި ރަޖިސްޓްރީކޮށްފައިވާ ފަރާތްތަކުގެ ތެރެއިން ކަމަށެވެ.

މި މަޤާމްތަކަށް މީހުން ހޮވުމުގައި ޢަރަބި ބަސް ނުވަތަ އުރުދޫ ބަހުން މުޢާމަލާތްކުރަން އެނގޭ، ޙައްޖު އަދި ޢުމްރާގެ މަސައްކަތުގެ ދާއިރާއިން ތަޖުރިބާ ލިބިފައިވާ ފަރާތްތަކަށް އިސްކަންދެވޭނެ ކަމަށްވެސް ބުންޏެވެ.

ހައްޖު ކޯޕަރޭޝަންގެ މެޑިކަލް ޕޫލްގައި ރެޖިސްޓަރ ވުމަށް އީމެއިލް މެދުވެރިކޮށް އެޕްލިކޭޝަން ހުށަހަޅަން ބޭނުންވާ ފަރާތްތަކުން ހުރިހާ ލިޔެކިޔުންތައް އެކޯޕަރޭޝަންގެ އީމެއިލް [email protected] އަށް ހުށަހެޅުމަށް އެދިފައުވެއެވެ. އިތުރު މަޢުލޫމާތު ހޯދުމަށް 1435 އަށް ގުޅުމަށް ވެސް އެ ކޯޕަރޭޝަނުން އެދެއެވެ.