މިފްކޯއިން ކަޅުބިލަމަސް ގަންނަ އަގު 18.50 ރުފިޔާއަށް ބޮޑުކޮށްފި

މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން މަސްވެރިންގެ އަތުން މަސް ގަންނަ އަގު މިއަދުން ފެށިގެން ބޮޑުކުރުމަށް ނިންމައިފިއެވެ.

މިފްކޯގެ މެނޭޖިން ޑިރެކްޓަރު މުހައްމަދު އަނަސް ވިދާޅުވީ، މިއަދުން ފެށިގެން އެ ކުންފުނީގެ ހުރިހާ ސެންޓަރުތަކަކާއި ބޯޓުފަހަރަކުން ކަޅުބިލަމަސް ގަންނަ އަގަކީ ކިލޯއަކަށް 18.50 ރުފިޔާ ކަމަށެވެ.

މީގެ ކުރިން މިފްކޯއިން ކަޅުބިލަމަސް ގަންނަމުން އައީ 17 ރުފިޔާ އަށެވެ.

މީގެމިފްކޯގެ އެމްޑީ އިތުރަށް ވިދާޅުވީ، މި ބަދަލަކީ އަމިއްލަ ކުންފުނިތަކުން މަސް ގަންނަ އަގުތަކާއި ބައިނަލްއަގުވާމީ މާކެޓް އަގުތަކާ އެއްވަރުކުރުމުގެ ގޮތުން ގެނައި ބަދަލެއް ކަމަށެވެ. މީގެ ސަބަބުން މަސްވެރިކަމުގެ ސިނާއަތުގައި ހަރަކާތްތެރިވާ ފަރާތްތަކުގެ މެދުގައި އޮތް އަގުގެ ފަރަގު ކުޑަވެގެންދާނެއެވެ.

މި ދުވަސްވަރަކީ ރާއްޖޭގެ ބައެއް ސަރަހައްދުތަކަށް އެންވެރިކަން ތަދުވެ، މަސްވެރިކަން ކުރުމުގައި ދަތިތަކަކާ ކުރިމަތިލާންޖެހިފައިވާ ދުވަސްވަރެއްކަން ފާހަގަކުރައްވައި އަނަސް ވިދާޅުވީ، އަގަށް ގެނައި މި ހެޔޮ ބަދަލަކީ މަސްވެރިން ކަނޑަށް ނުކުމެ އުޅުމަށް ލިބިގެންދާނެ އިތުރު ހިތްވަރެއް ކަމަށެވެ.

މި ނިންމުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މަސްވެރިންގެ ޝަކުވާތަކާއި އަޑުތައް ވަރަށް ގާތުން އައްސަވައި، މަސްވެރިންނަށް ދިމާވާ ދަތިތައް ހައްލުކޮށްދެއްވުމަށް ދެއްވާ އަހަންމިއްޔަތުކަމުގެ ކުޑަ ހެއްކެއް ކަމަށްވެސް އަނަސް ފާހަގަކުރެއްވިއެވެ.