އެމްއެމްއޭ އިން އިސްލާމިކް ފައިނޭންސިންގެ ދާއިރާތަކުން 35 ސްކޮލާޝިޕަށް ހުޅުވާލައިފި

މަރުކަޒީ ބޭންކު އެމްއެމްއޭއިން އިސްލާމިކް ފައިނޭންސްއާ ގުޅޭ 35 ސްކޮލަޝިޕްގައި ބައިވެރިވުމުގެ ފުރުސަތު ހުޅުވައިލައިފިއެވެ.

މިދިޔަ ފެބްރުއަރީ މަހުގެ ތެރޭގައި އިފުތިތާހުކުރި އެމްއެމްއޭ ތަމްވީލް އިސްލާމިކް ފައިނޭންސް އިނީޝިއޭޓިވްގެ ދަށުން ހުޅުވާލި، މި ސްކޯލާޝިޕް ތަކަކީ މިދާއިރާއިން މީހުން ތަމްރީނުކުރުމުގެ ގޮތުން ހުޅުވާލި ފުރުސަތުތަކެއް ކަމަށް ކަމަށް އެމްއެމްއޭއިން ބުނެއެވެ.

އަދި މިއީ މެލޭޝިއާގެ އިންޓަނޭޝަނަލް ސެންޓާ ފޯ އެޑިއުކޭޝަންއިން އިސްލާމިކް ފައިނޭންސް (އިންސެފް)އާއި ޔުނިވާސިޓީ އިސްލާމް ސެލެންގޯ (ޔޫއައިއެސް) ގުޅިގެން ހުޅުވާލި ފުރުސަތުތަކެއް ކަންވެސް ފާހަގަކޮށްފައުވެއެވެ.

އެމްއެމްއޭއިން ބުނެފައިވާގޮތުން، ޔޫއައިއެސް އަކީ އިސްލާމިކް ފައިނޭންސް އަދި އިސްލާމިކް އިކޮނޮމިކްސް ގެ ދާއިރާއިން ތައުލީމު ފޯރުކޮށްދިނުމަށް މަޝްހޫރު މެލޭޝިޔާގެ ޔުނިވަސިޓީއެކެވެ. އަދި އިންސެފް ޔުނިވަސިޓީ އަކީ އިސްލާމިކް ފައިނޭންސްގެ ތައުލީމް ފޯރުކޮށްދިނުމާއި، ދިރާސާާާ ކުރަން ދުނިޔޭގެ ނިސްބަތުން ފާހަގަކޮށްލެވޭ މުއައްސަސާއެއް ކަމަށްވެސް ބުންޏެވެ.

ސްކޮލާޝިޕް ހުޅުވާލާފައިވާ ދާއިރާތައް

1. އެގްޒެކެޓިވް މާސްޓާސް އިން އިސްލާމިކް ފައިނޭންސް: ފުލީ ފަންޑެޑް ފަސް ފުރުސަތާއި ޕާޝަލް ޕަންޑިންގެ ފަސް ފުރުސަތު

2. މެލޭޝިއާގެ ޔުނިވަސިޓީގެ އިންސީއީއައިއެފް (އިންޓަނޭޝަނަލް ސެންޓަ ފޯ އެޑިއުކޭޝަން ފޯ އިސްލާމިކް ފައިނޭންސް) ޔުނިވާސިޓީން އީއެމްއައިއެފް އިން މައިކްރޯ ސަޓިފިކޭޝަން: ފަސް ފުރުސަތު

3. ސެޓްފިކެޓް އިން ޝަރީއާ އިކޮނޮމިކްސް ފޯ ބޭންކިން އެންޑް ފައިނޭންސް (ސީއެސްއީބީއެފް) ބައި ޔުނިވާސިޓީ އިސްލާމް ސެލެންގޯ (ޔޫއައިއެސް) މެލޭޝިއާ: 20 ފުރުސަތު

މި ކޯސްތަކުގައި ބައިވެރިވުމުގެ ޝަރުތުތައް އެމްއެމްއޭގެ އިއުލާނުގައި ބަޔާންކޮށްފައިވާއިރު، ކޯސްތަކަށް ކުރިމަތިލާން ޖެހެނީ އޮންލައިން ލިންކެއް މެދުވެރިކޮށެވެ. މި ލިންކު އެމްއެމްއޭގެ ވެބަސައިޓު މެދުވެރިކޮށް ލިބޭނެއެވެ.