ވީއައިއޭގެ އާ އޭޕްރަން ޓެސްޓްކުރަން ފަށައިފި
ވެލާނާ އިންޓަރނޭޝަނަލް އެއާޕޯޓުގައި ޖައްސާ މަތިންދާބޯޓުތައް މަޑުުކުރުމަށް ހެދި އާ އޭޕްރަން ޓެސްޓްކުރަން ފަށައިފިއެވެ.
އެގޮތުން އެމްއޭސީއެލް އިން މައުލޫމާތުދޭ ގޮތުގައި ހުޅުލޭގެ އިރުމަތީ ފަރާތުގައި އަލަށް ހެދި، އޭޕްރަންގައި މަތިންދާ ބޯޓު ޕާކު ކުރާނެ ޖާގަތައް ފާހަގަ ކުރަން މާކްތައްވެސް ވަނީ ފާހަގަކޮށްފައެވެ.
ބޮޑު މިނުގައި 55،300 އަކަމީޓަރު ހުންނަ މި އޭޕްރަންގެ މަސައްކަތް ކޮށްފައިވަނީ ޗައިނާ، ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ) އެވެ.
މި މަސައްކަތް ފެށުނީ މިއަހަރުގެ ޖެނުއަރީމަހުގައެވެ.
އެމްއޭސީއެލް އިން ދަނީ އާ އޭޕްރަން ހެދުމުގެ އިތުރުން މިހާރު ބޭނުންކުރާ އޭޕްރަންގެ ޖާގަ ވެސް ބޮޑު ކުރަމުންނެވެ. އެ މަސައްކަތް ނިމުމުން އެއާޕޯޓުގެ އޭޕްރަންގެ ޖުމްލަ ސައިޒު 130،000 އަކަމީޓަރަށް އިތުރު ވެގެން ދާނެ އެވެ.
އަދި އެކި ސައިޒުގެ 21 މަތިންދާ ބޯޓު އެއް ފަހަރާ ޕާކު ކުރާނެ ޖާގަ އޮންނާނެކަމަަށްވެސް އެމްއޭސީއެލްއިން މައުލޫމާތުދެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
