ރޯދަމަހުގައި ސަރުކާރުގެ ރަސްމީ ގަޑިއަކީ ހެނދުނު 9 އިން މެންދުރުފަހު 1 އަށް

މިއަަހަރުގެ ރަމަޟާން މަހުގައި ސަރުކާރުގެ ރަސްމީ ގަޑި، ރައީސުލްޖުމްހޫރިއްޔާގެ އޮފީހުން އިއުލާންކުރައްވައިފިއެވެ.

ރައީސުލްޖުމްހޫރިއްޔާގެ އޮފީހުގެ ތަރުޖަމާނު އިބްރާހިމް ހޫދު ވިދާޅުވީ ރަމަޟާންމަހުގެ ރަސްމީ ގަޑީގެ ގޮތުގައި ރައީސުލްޖުމްހޫރިއްޔާ ހަމަޖައްސަވާފައިވަނީ ހެނދުނު 9:00 އިން ފެށިގެން މެންދުރު 1:00 އަށް ކަމަށެވެ.

މި ގަޑި ދެމިގެންދާނީ ރޯދަމަހުގެ ފުރަތަމަ ދުވަހުން ފެށިގެން ޝައްވާލްމަހުގެ ހަތްވަނަ ދުވަހާއި ޖެހެންދެންނެވެ.

މިގޮތަށް ރޯދަމަހުގައި ސަރުކާރުގެ މަސައްކަތު ގަޑި ހަމަޖެއްސެވި އިރު، ސަރުކާރު އޮފީސްތަކުގައި މުވައްޒަފުންނަށް ނަމާދުުކުރެވޭނެ އިންތިޒާމް ހަމަޖެއްސުމަށް ދަނީ މަސައްކަތް ކުރެވެމުންނެވެ.