ޤައުމަށް ދިމާވެފައިވާ ގޮންޖެހުމަކީ ރައްޔިތުން ނޫނެކޭ ބުނި ސަރުކާރެއްގެ ދޯހަޅި ސިޔާސަތުގެ ނަތީޖާ: ނައިބު ރައީސް
ލިޔުންތެރިޔާ
ޚަދީޖާ އަރުފާ
ޤައުމަށް މިއަދު ދިމާވެފައިވާ ގޮންޖެހުމަކީ ރައްޔިތުން ނޫނެކޭ ބުނި ސަރުކާރެއްގެ ދޯހަޅި ސިޔާސަތުގެ ނަތީޖާ ކަމަށް ނާއިބު ރައީސް ހުސައިން މުހައްމަދު ލަޠީފް ވިދާޅުވެއްޖެއެވެ.
ރޭ ބޭއްވި ޕީއެންސީ ހަރުގެ ޖަލްސާގައި ވާހަކަ ދައްކަވަމުން ރައީސުލްޖުމްހޫރިއްޔާ ޑރ މުހައްމަދު މުޢިއްޒު ވަނީ ނިމިދިޔަ އެމްޑީޕީ ސަރުކާރުން މި ޤައުމުގެ އިޤްތިސާދާއި އިސްލާމްދީނާއި މުޖުތަމަޢު ހަލާކު ކޮށްލި ވާހަކަ، ތާ އަބަދައް ދައްކަވާނެ ކަމަށާ، އެއީ އެންމެންވެސް އަބަދު ދައްކާނެ ވާހަކައެއް ކަމަށް ވިދާޅުވެފައެވެ.
ރާއްޖޭގަ ދުވަހަކު، ދުވަހަކު ސަރުކާރަކުން ގައުމެއް ހަލާކު ނުކޮށްލާ ވަރަށް އިގްތިސޯދާއި އިސްލާމް ދީނާއި މުޖުތަމައު ހަލާކުކޮށްލި ވާހަކަ ތާއަބަދަށް، އަންނާން އޮތް ޒަމާތަކަށް ދައްކާނެ. އެވާހަކަ މުގައްރިރުގަވެސް ލިޔާނެ. އެވާހަކަ ލެކްޗަރު ހޯލްތަކުގަވެސް ދައްކާނެ. ފޮތްތައްވެސް ލިޔާނެ. އެކި ތަންތަނުގަ މައުރަޒުތަކުގަވެސް ހަދާފަ ބަހައްޓާނެ.
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
އެވާހަކަތަކާއި ގުޅިގެން ނާއިބުރައީސް އެކްސްގައި ކިރެއްވި ޕޯސްޓެއްގައި ވިދާޅުވީ، މި ގައުމަށް ދިމާވެފައިވާ ހާލަތަށް ދާންޖެހުނީ އެމްޑީޕީގެ ދޯހަޅި ސިޔާސަތު ތަކުގެ ސަބަބުން ކަމަށެވެ.
އެހެން ނަމަވެސް، އަދުގެ ރައީސުލްޖުމްހޫރިއްޔާ އެ ގެންދަވަނީ ސާބިތު ކަމާއެކު އެ ގޮންޖެހުންތަކާއި ކުރިމަތިލައްވައި ރައްޔިތުން އެދޭ ގޮތަށް ދިވެހި ޤައުމު ބިނާކުރެއްވުމަށް މަސައްކަތް ކުރައްވަމުން ކަމަށްވެސް އެމަނިކުފާނު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
