ދިވެހިރާއްޖެ އާއި ޕާކިސްތާން ބައްދަލުކުރިމެޗް ޕާކިސްތާނަށް
ސާފް ޗެމްޕިއަންޝިޕްގައި މިއަދު ދިވެހިރާއްޖެ އާއި ޕާކިސްތާން ބައްދަލުކުރިމެޗް، ފަސޭހަކަމާއެކު ޕާކިސްތާނުން ކާމިޔާބުކޮށްފިއެވެ.
މިމެޗް ޕާކިސްތާން ކާމިޔާބުކުރީ 3-0 ގެ ނަތީޖާއިންނެވެ. ޕާކިސްތާނުން މޮޅަށް ކުޅުނު މިމެޗްގައި ފެނިގެންދިޔަ ހުރިހާ ގޯލެއްވެސް ޖަހާފައިވަނީ ފުރަތަމަ ހާފްގެ ތެރޭގައެވެ.
މިމެޗްގައި ޕާކިސްތާނުން ވަނީ ވަރަށް ކުރީކޮޅު ލަނޑެއް ޖަހައި ލީޑް ނަގާފައެވެ. މި ލަނޑު ޕާކިސްތާނަށް ކާމިޔާބުކޮށްދިނީ ހަތަރުވަނަ މިނެޓް ތެރޭގައި ލިބުނު ޕެނަލްޓީއަކުން އަބްދުﷲ އެވެ. މެޗްގައި ޕާކިސްތާނުން ޖެހި ދެ ލަނޑުވެސް ކާމިޔާބުކޮށްދިނީ ނަޖީބުﷲ އެވެ. އޭނާ ފުރަތަމަ ގޯލް ކާމިޔާބުކުރީ 9 ވަނަ މިނެޓް ތެރޭގައެވެ. އަދި ފަހު ލަނޑު ކާމިޔާބުކުރީ 24 ވަނަ މިނެޓް ތެރެގައެވެ.
މިއީ މި މުބާރާތުގައި ޕާކިސްތާނު ކުޅުނު ދެވަނަ މެޗެވެ. ޕާކިސްތާނުން ފުރަތަމަ ނިކުތީ އިންޑިއާ އާ ދެކޮޅަށެވެ. އެމެޗް އިންޑިއާ ކާމިޔާބުކުރީ 3-2 ގެ ނަތީޖާއިންނެވެ. މި މުބާރާތުގައި ދެން ރާއްޖެ ނިކުންނާނީ، އަންނަ ބުދަ ދުވަހު އިންޑިއާ އާ ދެކޮޅަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
