ރާއްޖޭގައި ފިލާގެން އުޅޭ އިންޑީޔާގެ އަންހެނަކު ހޯދަނީ

ރާއްޖޭގައި ފިލައިގެން އުޅޭ އިންޑިޔާގެ އަންހެނަކު ހޯދުމަށް ދިވެހިރާއްޖޭގެ އިމެގްރޭޝަނުން ނޯޓިސްއެއް ނެރެފިއެވެ.

އިމިގްރޭޝަން އިން ހޯދަން އިއުލާން ކޮށްފައި ވަނީ އިންޑިޔާއަށް ނިސްބަތްވާ 19 އަހަރަގެ މަންޕްރީތް ކޯރް ނަމަކަށްް ކިޔާ އަންހެނެކެވެ.

މި ދިޔަ މަހުގެ 31 ވަނަ ދުވަހު އިމިގްރޭޝަނުން ނެރެފައިވާ ނޯޓިސްގައި އެ އަންހެން މީހާއަށް އަންގާފައި ވަނީ 5 ދުވަސްތެރޭގައި ތެރޭ ހުޅުމާލޭ ދެވަނަ ފިޔަވަހީގައި ހުންނަ އިމިގްރޭޝަން ޑިޓެންޝަން ސެންޓަރަށް ހާޒިރު ވުމަށެވެ.

އަދި ބިދޭސީ އަންހެން މީހާއާއި ބެހޭ އެއްވެސް މައުލޫމާތެއް އެއްވެސް ފަރާތަކަށް ލިބިފައިވާނަމަ، އެކަމުގެ މައުލޫމާތު އިމިގްރޭޝަންގެ ނަންބަރު 7980408 އަށް ގުޅައި ހިއްސާ ކުރުމަށް ނުވަތަ އިމިގްރޭޝަނަށް އީ މެއިލް [email protected] އަށް ހިއްސާކުރުމަށް އެ އިދާރާއިން ވަނީ އިލްތިމާސް ކޮށްފައެވެ.

ރާއްޖޭގައި އުޅޭ ބިދޭސީން ގެއްލިގެން ނުވަތަ ވީތަނެއް ނޭގިގެން ދޭތެރެ ދޭތެރެއިން މިފަދަ އެންގުންތައް އަންގަމުން ދެއެވެ. ނަމަވެސް މިގޮތައް ގެއްލިގެން ހޯދުމަށް ނޯޓިސް ނެރޭ މީހުންގެ ތެރޭގައި އަންހެނުން ހިމެނެގެންދަނީ ވަރަށް މަދު ފަހަރެއްގައެވެ.