ޗައިނާގެ އައު އަހަރާއިއެކު ގުޅުން އިތުރަށް ބަދަހިވެ ދެ ގައުމަށްވެސް ފައިދާތަކެއް ކުރާނެ: ރައީސް ޑރ.މުޢިއްޒު
ޗައިނާގެ އައު އަހަރާއިއެކު ދެގައުމުގެ ގުޅުން އިތުރަށް ބަދަހިވެ، ދެ ގައުމަށްވެސް އިތުރު ފައިދާތަކެއް ކުރާނެކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
ރައީސް ޑރ.މުޢިއްޒު މިފަދައިން ވިދާޅުވީ، ޗައިނާގެ އައު އަހަރާއި ގުޅިގެން ތަހުނިޔާ ފޮނުއްވައި އެކްސް ގައި ކުރެއްވި ޕޯސްޓެއްގައެވެ.
މިގޮތުން، ޗައިނާގެ އައު އަހަރުގެ ތަހުނިޔާ އެގައުމުގެ ރައީސް ޝީ ޖިންޕިން އަށާއި، ޗައިނާގެ ރައްޔިތުންނަށް ފޮނުއްވަމުން ރައީސް ޑރ.މުޢިއްޒު ވިދާޅުވީ، މިއަހަރަކީ ޗައިނާގެ ރައްޔިތުންނަށް ފާހަގަތިކަމާއި އުފާވެރިކަން ލިބިގެންދާނެ އަހަރެއް ކަމަށް އުއްމީދު ކުރައްވާކަމަށެވެ.
ރައީސް ޑރ.މުޢިއްޒު ވިދާޅުވީ، ރާއްޖެއިން ޗައިނާގެ ގުޅުން އަގުވަޒަން ކުރައްވާކަމަށާއި، ދެގައުމުގެ ގުޅުން ބިނާވެފައިވަނީ އިހްތިރާމާއި ދެގައުމު ދެކެން ބޭނުންވާ ކަންކަމަށް ކަމަށެވެ.
މިއާއިއެކު ރައީސް ޑރ.މުޢިއްޒު ވަނީ، މިފެށޭ އައު އަހަރާއެކު މިގުޅުން އިތުރަށް ބަދަހިވެ ދެ ގައުމަށްވެސް އިތުރު ފައިދާތަކެއް ކުރާނެ ކަމަށް އުއްމީދު ކުރައްވާ ކަމަށް ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
