ޑރ.ޝަހީމް ޖަމީލް އުސްމާނަށް ތާއިދުކުރައްވައިފި
އޯއައިސީގެ ސެކްރެޓަރީ ޖެނެރަލްގެ އެޑްވައިޒަރ އަދި އިސްލާމިކް ޔުނިވަރސިޓީ އޮފް މޯލްޑިވްސްގެ ކުރީގެ ޗާންސެލަރ ޑރ.މުހައްމަދު ޝަހީމު އަލީ ސައީދު، އަންނަ މަޖިލިސް އިންތިޚާބުގައި ގެމަނަފުށީ ދާއިރާގެ މެންބަރކަމަށް ޖަމީލް އުސްމާނަށް ތާއިދުކުރައްވައިފިއެވެ.
ޖަމީލް އުސްމާނަށް ތާއިދުކުރެއްވިކަން ހާމަކުރައްވައި ޑރ.ޝަހީމް ވަނީ ފޭސްބުކް ޕޯސްޓެއް ކުރައްވާފައެވެ.
ޑރ.ޝަހީމް ވިދާޅުވީ ޖަމީލަށް ތާއިދުުކުރައްވާ ކަމަށާއި އެބޭފުޅާ އަކީ ތައުލީމީ ގާބިލް ނަމޫނާ މެންބަރެއްކަމަށެވެ.
އެމަނިކުފާނު ވަނީ ގެމަނަފުށީ ދާއިރާގައި ތިއްބެވި ހުރިހާ ރައްޓެހިން ޖަމީލް އުސްމާނަށް ތާއިދުކޮށްދެއްވުމަށް ދަންނަވާފައެވެ.
މީގެ ކުރިން ޑރ.ޝަހީމް ވަނީ ފާއިތުވި ރިޔާސީ އިންތިޚާބުގައި އެބޭފުޅާއަށް ތާއިދުކުރެއްވި މައްޗަންގޯޅި މެދު ދާއިރާގެ އެންމެހާ ބޭފުޅުން، އެ ދާއިރާގެ އިންތިޚާބުގައި އަމިއްލަގޮތުން ވާދަކުރައްވާ އިބްރާހިމް މުހައްމަދަށް ތާއިދުކުރައްވައި ވޯޓު ދެއްވުމަށް އެދިވަޑައިގެންފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
